കൊച്ചി: ഇലന്തൂര് നരബലി നടത്തിയ പ്രതികളെ രണ്ടാഴ്ചത്തേക്ക് റിമാന്ഡ് ചെയ്തു. നരബലിയുടെ ഭീകരത വിവരിച്ചാണ് റിമാന്ഡ് റിപ്പോര്ട്ട് സമര്പ്പിച്ചത്. പത്മയെ ഷാഫിയും റോസ്ലിയും ലൈലയും ചേര്ന്നാണ് കൊലപ്പെടുത്തിയത്. പത്മയുടെ മൃതദേഹം 56 കഷ്ണങ്ങളാക്കി കുഴിച്ചിട്ടു. റോസ്ലിയുടെ കഴുത്തറത്ത് കൊലപ്പെടുത്തിയ ശേഷം ഭഗവല് സിംഗ് മാറിടം മുറിച്ചുമാറ്റിയെന്നും റിപ്പോര്ട്ടില് വ്യക്തമാക്കുന്നു.
റിമാന്ഡിനെ തുടര്ന്ന് പ്രതികളെ കാക്കനാട് ജയിലിലേക്ക് മാറ്റി. സ്ത്രീകളുടെ സ്വകാര്യ ഭാഗത്ത് കത്തികൊണ്ട് മുറിവേല്പ്പിച്ച് ആനന്ദം കണ്ടെത്തിയ ക്രൂരനായ കൊലയാളിയാണ് മുഖ്യപ്രതി ഷാഫി. ആസൂത്രണം ചെയ്യുന്ന പദ്ധതി നടപ്പാക്കാന് പ്രത്യേക കഴിവായിരുന്നു പ്രതിക്ക്. രണ്ട് വര്ഷം മുന്പ് കോലഞ്ചേരിയിലെ വൃദ്ധയെ സമാനരീതിയിലാണ് ഷാഫി സ്വകാര്യ ഭാഗത്തടക്കം കത്തി കൊണ്ട് ആക്രമിച്ച് മരണത്തിന്റെ വക്കോളമെത്തിച്ചത്. പതിനാറാം വയസ്സില് ഇടുക്കിയില് നിന്ന് നാടുവിട്ട ഷാഫി പല ദേശത്ത് പല പേരുകളിലും തങ്ങി. ഇതിനിടയില് 8 കേസുകളില് പ്രതിയായിയെന്ന് പോലീസ് വ്യക്തമാക്കി.
