നിര്‍മാണം മാത്രമല്ല അഭിനയവും തനിക്ക് ചേരുമെന്ന് തെളിയിച്ച് നിര്‍മാതാവ് എന്‍.എം. ബാദുഷ. പ്രൊഡക്ഷന്‍ കണ്‍ട്രോളര്‍ സുധന്‍ രാജ് ആദ്യമായ് സംവിധാനം ചെയ്യുന്ന ‘കമ്പം’ എന്ന ചിത്രത്തിലാണ് സി.എ മുഹമ്മദ് ഇക്ബാല്‍ എന്ന കഥാപാത്രമായി ബാദുഷ അഭിനയിക്കുന്നത്. സുധന്‍ തന്നെയാണ് ചിത്രത്തിന്റെ തിരക്കഥ എഴുതിയിരിക്കുന്നത്.
ബാദുഷയെ കൂടാതെ സംവിധായകരായ തുളസീദാസ്, സജിന്‍ ലാല്‍, നിര്‍മാതാക്കളായ മന്‍രാജ്, ലക്ഷിമി ദേവന്‍, പ്രൊഡക്ഷന്‍ കണ്‍ട്രോളര്‍മാരായ എല്‍ദോ സെല്‍വരാജ്, ശ്യാം തൃപ്പൂണിത്തുറ, ഹര്‍ഷന്‍ പട്ടാഴി തുടങ്ങിയവരും, നിരവധി പുതുമുഖങ്ങളും ഈ ചിത്രത്തില്‍ അഭിനയിക്കുന്നു. പൂര്‍ണ്ണമായും തിരുവനന്തപുരത്താണ് സിനിമയുടെ ചിത്രീകരണം നടക്കുന്നത്. വാര്‍ത്ത പ്രചരണം: പി.ശിവപ്രസാദ്
