തിരുവനന്തപുരം: ഹൃദ്രോഗം ഉള്പ്പെടെയുള്ള ജീവിതശൈലീ രോഗങ്ങള് നിയന്ത്രിക്കുന്നതിന്റെ ഭാഗമായി സംസ്ഥാനത്തെ എല്ലാ മണ്ഡലങ്ങളിലും ഹെല്ത്തി വാക്ക് വേ ആരംഭിക്കുമെന്ന് ആരോഗ്യ മന്ത്രി വീണാ ജോര്ജ്. കായിക വകുപ്പും തദ്ദേശ സ്വയംഭരണ വകുപ്പുമായി സഹകരിച്ച് ഹെല്ത്തി വാക്കിനായി പ്രത്യേക സ്ഥലം കണ്ടെത്തും.
കേരള ഹാര്ട്ട് ഫൗണ്ടേഷന്റെ സഹകരണവുമുണ്ട്. തിരുവനന്തപുരം മെഡിക്കല് കോളജ് കാര്ഡിയോളജി വിഭാഗവും കേരള ഹാര്ട്ട് ഫൗണ്ടേഷനും ചേര്ന്ന് സംഘടിപ്പിച്ച ലോക ഹൃദയ ദിനാചരണത്തിന്റെ ഉദ്ഘാടനം നിര്വഹിക്കുകയായിരുന്നു മന്ത്രി. മന്ത്രി വി. ശിവന്കുട്ടി ചടങ്ങില് അധ്യക്ഷത വഹിച്ചു. കടകംപള്ളി സുരേന്ദ്രന് എംഎല്എ മെഡിക്കല് ക്യാമ്പ് ഉദ്ഘാടനം ചെയ്തു.
