കൊല്ലം: പോപ്പുലർ ഫ്രണ്ട് സംസ്ഥാന ജനറൽ സെക്രട്ടറി അബ്ദുള്സത്താറിനെ പോലീസ് കസ്റ്റഡിയിലെടുത്ത കരുനാഗപ്പള്ളി പുതിയകാവിലെ ദക്ഷിണമേഖലാ ഓഫീസ് അടിമുടി ദുരൂഹത ഉയര്ത്തുന്നതാണ്. പോപ്പുലര് ഫ്രണ്ട് ശക്തികേന്ദ്രത്തില് ഉയര്ന്ന മതിലിനാല് ചുറ്റപ്പെട്ട മൂന്നു നില കെട്ടിടത്തില് നടക്കുന്നതൊന്നും പുറലോകം അറിയില്ല.
പുറത്തേക്ക് അധികം വാതിലോ ജനാലുകളോ ഇല്ല. ഉള്ള ജനാലകളില് സണ് ഫിലിം ഗ്ലാസുകള് ഒട്ടിച്ചിരിക്കുന്നതിനാല് അകത്തെ കാഴ്ചകള് കാണാന് സാധിക്കില്ല.മറ്റു സംസ്ഥാനങ്ങളില് നിന്നുള്പ്പെടെ നിരവധി പേരാണ് ഇവിടെ എത്തുന്നത്. നിരവധി പേര് ഇവിടെ താമസിക്കുന്നുണ്ട്. ഇവരെ കുറിച്ച് നാട്ടുകാര്ക്ക് യാതൊരു വിവരവുമില്ല.
മലയാള ഭാഷ സംസാരിക്കാത്തവരും ഇവിടെ എത്തുന്നതായി നാട്ടുകാര് പറയുന്നു. അപരിചിതര്ക്ക് ഈ മേഖലയിലേക്ക് പ്രവേശനമില്ല. പിഡിപി ചെയര്മാനായിരുന്ന അബ്ദുള് നാസര് മദനിയുടെ മുന് പ്രവര്ത്തന കേന്ദ്രം കൂടിയായിരുന്നു പുതിയകാവിലെ ഈ കേന്ദ്രം.
