ബെംഗളൂരു: ചിക്കമംഗളൂരു ജില്ലയിലെ കടൂര്‍ ടൗണില്‍ ആര്‍എസ്എസ് നേതാവിന്റെ കാറില്‍ മതമൗലികവാദികള്‍ വധഭീഷണി എഴുതി. ആര്‍എസ്എസ് ധര്‍മജാഗരണ കണ്‍വീനര്‍ ഡോ.ശശിധരനെതിരെയാണ് മതമൗലികവാദികള്‍ ഭീഷണി മുഴക്കിയിരിക്കുന്നത്. ഇന്നലെ രാവിലെയാണ് സംഭവം നടന്നത്.
ശശിധര ബിസിനസ്സിലും ഹിന്ദു മതപരമായ പ്രവര്‍ത്തനങ്ങളിലും ഏര്‍പ്പെടുന്നതിനാലാണ് വധഭീഷണി മുഴക്കിയിരിക്കുന്നത്. ശശിധരന്റെ വീടിന് സമീപം നിര്‍ത്തിയിട്ടിരുന്ന വാഹനത്തിന്റെ നാല് ചക്രങ്ങളും അക്രമികള്‍ പഞ്ചറാക്കുകയും, അദ്ദേഹത്തിനെതിരെ ഭീഷണി സന്ദേശം എഴുതുകയും അസഭ്യമായ ഭാഷ ഉപയോഗിക്കുകയും ചെയ്തുവെന്ന് പോലീസ് പറഞ്ഞു.
പ്രദേശത്ത് മുപ്പതിലധികം കാറുകള്‍ പാര്‍ക്ക് ചെയ്തിരുന്നെങ്കിലും അക്രമികള്‍ തിരഞ്ഞെടുത്തത് ആര്‍എസ്എസ് നേതാവിന്റെ വാഹനമാണ്. സംഭവം ജനങ്ങളില്‍ പരിഭ്രാന്തി പരത്തുകയും പോലീസ് സ്ഥലത്തെത്തി അന്വേഷണം നടത്തുകയും ചെയ്തു. സംസ്ഥാനത്ത് പോപ്പുലര്‍ ഫ്രണ്ട് ഓഫ് ഇന്ത്യ നേതാക്കളുടെ വസതികളില്‍ നടത്തിയ റെയ്ഡുകളുടെയും അറസ്റ്റുകളുടെയും പ്രതികരണമാകാം ഇതെന്ന് പോലീസ് ഉദ്യോഗസ്ഥര്‍ പറഞ്ഞു. ബിജെപിയുടെയും ആര്‍എസ്എസിന്റെയും ശക്തികേന്ദ്രമാണ് ചിക്കമംഗളൂരു ജില്ല.
പ്രതികരിക്കാൻ ഇവിടെ എഴുതുക: