ശാസ്താംകോട്ട: പനപ്പെട്ടി ആശ്രമം ക്ഷേത്രത്തില് ശ്രീകോവിലുകളുടെയും ചുറ്റമ്പലത്തിന്റെയും സമര്പ്പണം ഗൗരി പാര്വതി ഭായി നിര്വഹിച്ചു. ക്ഷേത്ര ഭരണസമിതി പ്രസിഡന്റ് എം.ബാബു അധ്യക്ഷനായി.
ശാന്തിഗിരി ആശ്രമം ജനറല് സെക്രട്ടറി ഗുരുരത്നം ജ്ഞാനതപസ്വി, ചെങ്കോട്ടുകോണം ശ്രീരാമദാസ ആശ്രമം സ്വാമി ഭാര്ഗവറാം, തന്ത്രി കീഴ്ത്താമരശേരി മഠം രമേശ് ഭട്ടതിരി, കരിമ്പിന്പുഴ ശ്രീ ശിവശങ്കര ആശ്രമം മഠാധിപതി സ്വാമി ആത്മാനന്ദ, റിട്ട. ഡിജിപി അലക്സാണ്ടര് ജേക്കബ്, ജി.ജയപ്രകാശ് എന്നിവര് സംസാരിച്ചു.
വൈകിട്ട് യജ്ഞ മണ്ഡപത്തില് പ്രതിഷ്ഠിക്കാനുള്ള വിഗ്രഹവും വഹിച്ച് വര്ണാഭമായ ഘോഷയാത്രയും നടന്നു. മേല്ശാന്തി ഉണ്ണിക്കൃഷ്ണന് പോറ്റി നവാഹയജ്ഞ മണ്ഡപത്തില് ദീപം തെളിച്ചു. ആചാര്യന് വൈക്കം വടക്കേമഠം വിജയവര്ധനന് പ്രഭാഷണം നടത്തി. ദേവീ ഭാഗവതസപ്താഹയജ്ഞം ഒക്ടോ. 5ന് സമാപിക്കും. എല്ലാ ദിവസവും രാവിലെ 7.30നു ദേവീ ഭാഗവതപാരായണം, 12നു പ്രഭാഷണം, 1നു അന്നദാനം എന്നിവ നടക്കും.
