നെടുമങ്ങാട് : പട്ടി കടിയേറ്റതിനെ തുടര്ന്ന് പേവിഷബാധയ്ക്കെതിരെ വാക്സിനെടുത്ത് ചികിത്സയിലായിരുന്ന യുവതി കുഴഞ്ഞുവീണു മരിച്ചു. ആനാട് മൂഴി പെരുംകൈത്തോട് വീട്ടില് സത്യശീലന്റെയും സതീഭായി അമ്മയുടെയും മകള് അഭിജ(24) ആണ് മരിച്ചത്.
ഒന്നര മാസം മുമ്പാണ് അഭിജയെ പട്ടി കടിച്ചത്. മൂന്ന് വാക്സിനും എടുത്തിരുന്നു. ഏറ്റവും അവസാനം ചിങ്ങം ഒന്നിന് തിരുവനന്തപുരം മെഡിക്കല് കോളേജില്നിന്നാണ് വാക്സിന് യുവതി സ്വീകരിച്ചത്. ചൊവ്വാഴ്ച രാവിലെ തല പെരുക്കുന്നുവെന്ന് യുവതി അമ്മയെ അറിയിച്ചിരുന്നു. ഗുരുതരമല്ലാത്തതിനാല് വീട്ടുകാര് ഇക്കാര്യം ഗൗരവമായി എടുത്തില്ല.
പിന്നീട് പുറത്തുപോയ അമ്മ തിരികെവന്നപ്പോള് അഭിജ ബോധംകെട്ട സ്ഥിതിയില് കിടക്കുകയായിരുന്നു. ഉടനെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചെങ്കിലും രക്ഷിക്കാനായില്ല.
