ന്യൂദല്‍ഹി: ഇആര്‍പി(സന്താനം ശ്രീനിവാസന്‍) അയ്യര്‍ എന്ന റാപ്പര്‍ സംഗീത ലോകത്ത് മാത്രമല്ല, ഹിന്ദുക്കളുടെ മനസ്സിലും തരംഗമായി നിറയുന്നു. മതനിന്ദയുടെ പേരില്‍ കനയ്യ ലാല്‍ എന്ന ടെയ് ലറുടെ തലവെട്ടിയ സംഭവം ഉള്‍പ്പെടെ ഒട്ടേറെ നീറുന്ന പ്രശ്നങ്ങള്‍ അയ്യരുടെ റാപ്പില്‍ വിഷയമാകുന്നു.
തല ഉടലില്‍ നിന്നും വേര്‍പ്പെടുത്തുക (സര്‍ താന്‍ സെ ജുഡ) എന്ന തീവ്രവാദഭീഷണിയെയും റാപ്പര്‍ അയ്യര്‍ ചോദ്യം ചെയ്യുന്നു. “ഇത് വെറും റാപ്പല്ല. അദ്ദേഹം കൈക്കോട്ടിനെ കൈക്കോട്ട് എന്ന് വിളിക്കുകയാണ്.വാസ്തവത്തില്‍ ഇത് ഹിന്ദുക്കളുടെ ശബ്ദം തന്നെയാണ്.”- റാപ്പര്‍ ഇആര്‍പി അയ്യരുടെ വീഡിയോ ട്വിറ്ററില്‍ പങ്കുവെച്ച് അക്ഷിത് സിങ് എന്ന യുവാവ് കുറിക്കുന്നു.
അയ്യരുടെ റാപ്പ് കേള്‍ക്കാം:
ഇപ്പോള്‍ സമൂഹമാധ്യമങ്ങളില്‍ തരംഗമാണ് ഇആര്‍പി അയ്യരുടെ റാപ് ഗാനങ്ങള്‍. എംടിവി ഇന്ത്യയുടെ ഹസില്‍ 2.0 എന്ന റാപ് യുദ്ധപരിപാടിയില്‍ ഇആര്‍പി അയ്യര്‍ മതതീവ്രവാദം എന്ന ഒരു റാപ്പ് അവതരിപ്പിച്ചിരുന്നു. ഈ പാട്ടില്‍ കനയ്യ ലാല്‍ എന്ന ടെയ് ലറുടെ കടയില്‍ കയറി അയാളുടെ കഴുത്തുവെട്ടുകയാണ് രണ്ട് യുവാക്കള്‍ ചെയ്യുന്നത്. റിയാസ്, ഗോസ് മുഹമ്മദ് എന്നീ രണ്ട് തീവ്രവാദികളാണ് കനയ്യ ലാലിന്റെ കഴുത്തുവെട്ടിയത്. ഇവര്‍ അല്‍ സുഫ എന്ന തീവ്രവാദ സംഘടനയില്‍ അംഗങ്ങളാണ്. ഈ വിഷയമായിരുന്നു മതതീവ്രവാദം എന്ന റാപ്പില്‍ ഉടനീളം.
കൊല്‍ക്കത്തക്കാരനാണ് 33 കാരനായ ഇആര്‍പി അയ്യര്‍. ജനിച്ചത് തമിഴ്നാട്ടിലെ തിരുച്ചിറപ്പിള്ളി. പ്രാഥമിക വിദ്യാഭ്യാസത്തിന് ശേഷം കുടുംബത്തോടൊപ്പം കൊല്‍ക്കത്തയില്‍ എത്തി.
പ്രതികരിക്കാൻ ഇവിടെ എഴുതുക: