തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട അതിശക്തമായ മഴയ്ക്ക് സാധ്യത. കണ്ണൂര്, കാസര്കോട് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. തൃശ്ശൂര് മുതല് വയനാട് വരെയുള്ള അഞ്ച് ജില്ലകളില് യെല്ലോ അലര്ട്ടും ഉണ്ട്. മലയോരമേഖലകളില് അടക്കം അതീവജാഗ്രത വേണം.
മത്സ്യതൊഴിലാളികള് കടലില് പോകരുതെന്ന നിര്ദേശവും കാലാവസ്ഥ വകുപ്പ് നല്കിയിട്ടുണ്ട്. ശക്തമായ കാറ്റിന് സാധ്യതയുള്ളതിനാലാണ് മുന്നറിയിപ്പ്. കോമോറിന് തീരത്തെ ചക്രവാതച്ചുഴിയും, ശക്തമായ പടിഞ്ഞാറന് കാറ്റുമാണ് മഴയ്ക്ക് കാരണം. ബംഗാള് ഉള്ക്കടലില് അടുത്ത മണിക്കൂറുകളില് ന്യൂനമര്ദ്ദം രൂപപ്പെടാന് സാധ്യതയണ്ടെന്നണ് കലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്.
