പ്രവാസലോകത്ത് നിന്ന് എത്തിയ മികച്ചൊരു ഹ്രസ്വചിത്രമാണ് യെല്‍. വി ടോക്ക് ഇന്ത്യ നിര്‍മ്മിച്ച് മെഹബൂബ് വടക്കാഞ്ചേരി സംവിധാനം ചെയ്ത ഈ ഹ്രസ്വചിത്രം യൂടൂബില്‍ റിലീസായി. പരിസരം നോക്കാതെ സംസാരിക്കുന്നവര്‍ക്കുള്ള ശക്തമായ താക്കീതാണ് ഈ ചിത്രം. യുഎഇയിലെ അറബികള്‍ ചിത്രത്തില്‍ പ്രധാന വേഷത്തില്‍ എത്തുന്നുണ്ട്. ദുബായ് എക്‌പോ കഴിഞ്ഞ് യാത്ര ചെയ്ത ബസില്‍ നിന്നും, ഒരു കോഫീ ഷോപ്പില്‍ നിന്നും ഉണ്ടായ അനുഭവത്തിലാണ് സംവിധായകന്‍ ഈ കഥ മെനഞ്ഞെടുത്തത്. മെഹബൂബ് വടക്കാഞ്ചേരിയാണ് യെല്‍ എന്ന ഹ്രസ്വചിത്രത്തിന്റെ സംവിധാനം നിര്‍വ്വഹിച്ചത്. രചനയും അദ്ദേഹം തന്നെയാണ്.
ഫിലിമിന്റെ ഫസ്റ്റ് ലുക്ക് പോസ്റ്റര്‍ പ്രശസ്ത സിനിമ താരങ്ങളായ ജോയ് മാത്യൂ, ഷൈന്‍ നിഗം, ജുമാന ഖാന്‍ എന്നിവര്‍ ചേര്‍ന്ന് പ്രകാശനംചെയ്തു. വിസിനിമാസ് യൂട്യൂബ് ചാനല്‍ ചിത്രം റിലീസ് ചെയ്തു. വി ടോക്ക് ഇന്ത്യയ്‌ക്കു വേണ്ടി ഉദയന്‍ ടി.എസ്. നിര്‍മ്മിക്കുന്ന ഈ ചിത്രത്തിന്റെ ഡിഒപി- അമീര്‍ പട്ടാമ്പി, ബിജിഎം- കിരണ്‍ ജോസ്, അസോസിയേറ്റ് ഡയറക്ടര്‍- രാജീവ് നായര്‍, ഡിസൈന്‍- അതുല്‍, സ്റ്റില്‍- ഉണ്ണികൃഷ്ണന്‍ ഒറ്റ തെങ്ങില്‍, പിആര്‍ഒ- അയ്മനം സാജന്‍
ഖാലീദ് അല്‍ സറൂണി, സാമി, ബേബിയ്യാറഖാലീദ്, ശ്രീലക്ഷ്മി സന്തോഷ്, ജയരാജ് പ്രഭാകര്‍, നൗഷാദ് ചാവക്കാട്, സജി എസ് പിളൈ, സുബിനാസ് ചെംബ്ര, വിജയ റെജിത്ത് റഹാം, ശ്രീനാഥ്, ഷഫീക്ക് എന്നിവരും ചിത്രത്തില്‍ വേഷമിടുന്നുണ്ട്.
പ്രതികരിക്കാൻ ഇവിടെ എഴുതുക: