കുട്ടനാട് ഫിലിം ക്ലബ്ബ് അവതരിപ്പിക്കുന്ന കാട്ടുകള്ളന്‍ എന്ന ആന്തോളജി ഫിലിമിന്റെ ഫസ്റ്റ് ലുക്ക് പോസ്റ്റര്‍ പ്രകാശനം പ്രമുഖ സംവിധായകരായ സിദിഖ്, നാദിര്‍ഷ എന്നിവര്‍ എറണാകുളത്ത് നിര്‍വ്വഹിച്ചു. സിനിമാ പിആഒ അയ്മനം സാജന്‍ രചനയും, സംവിധാനവും നിര്‍വ്വഹിച്ച കാട്ടു കള്ളന്റെ ചിത്രീകരണം പൂര്‍ത്തിയായി.
ഉല, തീക്കുച്ചിയും പനിത്തുള്ളിയും, ഒരു നല്ല കോട്ടയംകാരന്‍ എന്നീ ചിത്രങ്ങളില്‍ ശ്രദ്ധേയമായ വേഷങ്ങള്‍ അവതരിപ്പിച്ച അജയ്‌ക്കുട്ടി ദല്‍ഹി ആണ് പ്രധാന കഥാപാത്രമായ വറീതിനെ അവതരിപ്പിക്കുന്നത്. കാടിനോട് ചേര്‍ന്ന് കിടക്കുന്ന ഒരു ഗ്രാമത്തിലെ നാല് ആത്മാര്‍ത്ഥ സുഹൃത്തുക്കളുടെ കഥയാണ് ചിത്രം പറയുന്നത്.ആക്ഷേപഹാസ്യത്തില്‍ അവതരിപ്പിക്കുന്ന വ്യത്യസ്തമായൊരു കഥ, പുതുമയുള്ള അവതരത്തോടെ പറയുന്നു.ഗംഗന്‍ സംഗീത് രചനയും, സംഗീതവും നിര്‍വ്വഹിക്കുന്ന ഗാനം ഏറെ പുതുമയുള്ളതാണ്. കാവാലം ചുണ്ടന്‍ ആല്‍ബത്തിലൂടെ ശ്രദ്ധേയയായ ഗായിക ശോഭാ മേനോനും, അയ്മനം സാജനുമാണ് ഗാനം ആലപിച്ചത്.
ക്യാമറ – ജോഷ്വാ റെണോള്‍ഡ്, ഗാനരചന, സംഗീതം -ഗംഗന്‍ സംഗീത്, ആലാപനം – ശോഭാ മേനോന്‍, അയ്മനം സാജന്‍, എഡിറ്റിംഗ്- ഓസ്വോ ഫിലിം ഫാക്ടറി, സഹസംവിധാനം- ജയരാജ് പണിക്കര്‍, ആര്‍ട്ട്, മേക്കപ്പ് – ഡെന്‍സിന്‍ ലാല്‍, ബിജിഎം, എഫറ്റ്ക്‌സ് – ജമില്‍ മാത്യു ജോസഫ്, പിആര്‍ഒ- അയ്മനം മീഡിയ.
അജയ്‌ക്കുട്ടി ദല്‍ഹി, ബന്നി പൊന്നാരം, ജോബി ജോസഫ്, സ്വാമി അശാന്‍, ജയിംസ് കിടങ്ങറ, നിഖില്‍ കുമാര്‍,മുരളീധരന്‍ ചാരുവേലി, അന്‍ഷാദ് ചാത്തന്‍തറ, വിക്രമന്‍, ദിവ്യ മാത്യു, ഷാര്‍ലറ്റ് സജീവ്, ജൂലിയറ്റ്‌സജീവ് എന്നിവര്‍ അഭിനയിക്കുന്നു.
പ്രതികരിക്കാൻ ഇവിടെ എഴുതുക: