അട്ടപ്പാടിയില്‍ അമ്മയും സുഹൃത്തും ബാലനെ ക്രൂരമായി മര്‍ദ്ദിച്ചെന്ന് പരാതി; കുട്ടി ചികിത്സയില്‍, പ്രതികളെ അറസ്റ്റ് ചെയ്തു

പാലക്കാട് : ആദിവാസി ബാലനെ അമ്മയും അമ്മയുടെ സുഹൃത്തും ക്രൂരമര്‍ദ്ദനത്തിനിരയാക്കി. അട്ടപ്പാടിയിലാണ് സംഭവം. മര്‍ദ്ദനത്തില്‍ ഗുരുതരമായി പരിക്കേറ്റ ബാലന്‍ കോട്ടത്തറ ട്രൈബല്‍ സ്‌പെഷ്യാലിറ്റി ആശുപത്രിയില്‍ ചികിത്സയിലാണ്.  

സംഭവത്തില്‍ അമ്മയെയും, അമ്മയുടെ സുഹൃത്ത് ഉണ്ണികൃഷ്ണനെയും അഗളി പോലീസ് അറസ്റ്റ് ചെയ്തു. കുട്ടിയുടെ അച്ഛന്‍ നല്‍കിയ പരാതിയിലാണ് കേസെടുത്തിരിക്കുന്നത്.