ആമിര്‍ ഖാന്റെ സിനിമ ‘ലാല്‍ സിംഗ് ഛദ്ദ’ വീണ്ടും കുരുക്കുകളില്‍. സിനിമ റിലീസായി രണ്ടാഴ്ചയില്‍ വീണ്ടും കേസുകള്‍ കൊണ്ട് നിറഞ്ഞിരിക്കുകയാണ്. സിനിമ ദിവ്യാംഗരെ അവഹേളിക്കുന്നു എന്ന് കാട്ടി ‘ഡോക്ടേഴ്‌സ് വിത്ത് ഡിസബിലിറ്റീസ്’ എന്ന സംഘടനയുടെ സഹസ്ഥാപകന്‍ ഡോ. സതേന്ദ്ര സിംഗാണ് ഇപ്പോള്‍ പരാതി നല്‍കിയിരിക്കുന്നത്. പരാതിയുടെ പകര്‍പ്പ് അദ്ദേഹം പങ്കുവച്ചിട്ടുണ്ട്.
ലാല്‍ സിംഗ് ചദ്ദയ്‌ക്ക് പുറമേ തപ്സി പന്നുവിന്റെ പുതിയ സിനിമ സബാഷ് മിഥുവിനെതിരെയും സമാന പരാതി നല്‍കിയിട്ടുണ്ട്. പരാതിയുടെ അടിസ്ഥാനത്തില്‍ ഇരു സിനിമകളുടെയും സംവിധായകരില്‍ നിന്നും സെന്‍സര്‍ ബോര്‍ഡില്‍ നിന്നും വിവരസാങ്കേതിക വകുപ്പില്‍ നിന്നും വിശദീകരണം തേടി. നേരത്തെ സംസ്ഥാനത്ത് ക്രമസമാധാനം നഷ്ടപ്പെടുന്നെന്നും, ഇന്ത്യന്‍ ആര്‍മിയോട് അനാദരവ് കാണിച്ചുവെന്നും ആരോപിച്ച് ‘ലാല്‍ സിംഗ് ഛദ്ദ’യ്‌ക്കെതിരെ പരാതി ഉയര്‍ന്നിരുന്നു.
ടോം ഹാങ്ക്‌സ് മുഖ്യ വേഷത്തിലെത്തി റോബര്‍ട്ട് സെമെക്കിസ് സംവിധാനം ചെയ്ത ‘ഫോറസ്റ്റ് ഗമ്പ്’ എന്ന സിനിമയുടെ ഹിന്ദി റീമേക്കാണ് ‘ലാല്‍ സിംഗ് ഛദ്ദ’. 180 കോടി മുടക്കി എടുത്ത സിനിമ ഇതുവരെ ഇന്ത്യയില്‍ 60 കോടി കളക്ഷന്‍ മാത്രമേ നേടാന്‍ സാധിച്ചുള്ളു.
പ്രതികരിക്കാൻ ഇവിടെ എഴുതുക: