പാലക്കാട്: കഞ്ചിക്കോടിന് സമീപം വല്ലടിയില് വീണ്ടും കാട്ടാനയിറങ്ങി. ജനവാസ മേഖലയിലിറങ്ങിയ ആനയെ ഏ റെ പരിശ്രമങ്ങൾക്കൊടുവിൽ കാടുകയറ്റി. പുലര്ച്ചെയാണ് ആന പ്രദേശത്ത് എത്തിയത്. തുടർച്ചയായ രണ്ടാം ദിവസമാണ് പ്രദേശത്ത് ആനയിറങ്ങുന്നത്.
നാട്ടുകാര് ചേര്ന്ന് ശബ്ദമുണ്ടാക്കിയും മറ്റും ആനയെ കാടുകയറ്റാന് ശ്രമിച്ചെങ്കിലും പരാജയപ്പെട്ടു. പിന്നാലെ വനംവകുപ്പ് ഉദ്യോഗസ്ഥര് എത്തി ആനയെ കാടുകയറ്റുകയായിരുന്നു. കഴിഞ്ഞ ദിവസം പ്രദേശത്ത് എത്തിയ കാട്ടാൻ കൃഷി നശിപ്പിച്ചിരുന്നു. ഈ ആന തന്നെയാണ് വീണ്ടുമെത്തിയതെന്ന് നാട്ടുകാര് പറയുന്നു.
തെങ്ങും വാഴയും മറ്റ് കാർഷിക വിളകളുമാണ് ആന നശിപ്പിച്ചത്.
