കൊച്ചി : ഐഎസ്ആര്ഒ ചാരക്കേസ് പ്രതിപ്പട്ടികയില് ഉള്പ്പെട്ട മുന് ഐബി ഉദ്യോഗസ്ഥനെ യാത്രാ വിലക്കിനെ തുടര്ന്ന് കൊച്ചി വിമാനത്താവളത്തില് തടഞ്ഞുവെച്ചു. മുന് ഐബി അസിസ്റ്റന്റ് ഡയറക്ടര് കെ.വി. തോമസിനെ തടഞ്ഞത്. കേസിലെ 12-ാം പ്രതിയായി തോമസിനെതിരെ ലുക്ക്്ഔട്ട് നോട്ടീസ് ഉണ്ടായിരുന്നു.
വിമാനത്താവളത്തില് ചെക്കിനിടെ ഉദ്യോഗസ്ഥര് കെ.വി. തോമസിനെ തിരിച്ചറിഞ്ഞ് തടഞ്ഞുവെയ്ക്കുകയും പിന്നീട് വീട്ടിലേക്ക് തിരിച്ചയയ്ക്കുകയുമായിരുന്നു. ലണ്ടനിലേക്ക് പോകാനിരിക്കേയാണ് ഉദ്യോഗസ്ഥര് തടഞ്ഞത്. എന്നാല് എമിഗ്രേഷന് കൗണ്ടറില് എത്തിയപ്പോഴാണ് ലുക്ക് ഔട്ട് നോട്ടീസിനെക്കുറിച്ച് അറിഞ്ഞതെന്നും യാത്രാവിലക്കിനെതിരെ ഹൈക്കോടതിയെ സമീപിക്കുമെന്നും അദ്ദേഹം പ്രതികരിച്ചു.
കേസിലെ അന്വേഷണ പുരോഗതി അറിയിക്കുകയോ അതേക്കുറിച്ച് യാതൊരു വിവരവും നല്കിയിട്ടില്ല. വിമാനത്താവളത്തിലെത്തി എല്ലാ ബാക്കിയെല്ലാ നടപടികളും പൂര്ത്തിയാക്കി എമിഗ്രേഷന് കൗണ്ടറില് എത്തിയപ്പോഴാണ് സംഭവം അറിഞ്ഞത്. ലുക്ക്ഔട്ട് നോട്ടീസ് പുറപ്പെടുവിച്ച വിവരം അറിയിക്കാതിരുന്നത് ഗുരുതരമായ തെറ്റാണെന്ന് അദ്ദേഹം ആരോപിച്ചു.
ലണ്ടനിലുള്ള മകളെ കാണാന് പോകാനായി മൂന്ന് ലക്ഷം രൂപ മുടക്കിയാണ് തനിക്കും ഭാര്യക്കും ടിക്കറ്റെടുത്തത്. മാനസികമായി പീഡനം അനുഭവിക്കേണ്ടിവന്ന അവസ്ഥയാണ്. ചാരക്കേസിന്റെ പേരില് തന്നെ 1994 മുതല് വേട്ടയാടുകയാണ്. കേസില് തനിക്ക് ഒരു പങ്കുമില്ലെന്ന് സിബിഐ തന്നെ മുന്പ് പറഞ്ഞിട്ടുണ്ട്. സിബിഐ ചാര്ജ് ഷീറ്റ് നല്കാതെ തന്നെ ഉപദ്രവിക്കുകയാണ്. രാജ്യസ്നേഹിയായ തനിക്ക് സ്വാതന്ത്ര്യദിനത്തില് സിബിഐ നല്കിയ സമ്മാനമാണിത്. ഇക്കാര്യങ്ങളെല്ലാം ഹൈക്കോടതിയുടെ ശ്രദ്ധയില്പ്പെടുത്തുമെ്നും കെ.വി തോമസ് പ്രതികരിച്ചു.
