തിരുവനന്തപുരം: നെയ്യാറ്റിൻകര കോട്ടക്കലിന് സമീപം ബിജെപി പ്രവർത്തകർ സ്ഥാപിച്ച ദേശീയ പതാക പിഴുതെറിഞ്ഞ സിപിഎം പ്രവർത്തകനെ പോലീസ് അറസ്റ്റ് ചെയ്തു. കോട്ടക്കൽ വലിയവിള സ്വദേശി അഗസ്റ്റിനെയാണ് കോട്ടയ്ക്കൽ പോലീസ് അറസ്റ്റ് ചെയ്തത്.
ഇന്ന് രാവിലെ ആയിരുന്നു സംഭവം. കോട്ടക്കലിൽ പഴം പച്ചക്കറി വ്യാപാരം നടത്തുന്ന ആളാണ് അഗസ്റ്റിൻ. ബിജെപി പ്രവർത്തകർ പതാക ഉയർത്തുന്ന സമയത്ത് സ്ഥലത്തെത്തിയ അഗസ്റ്റിൻ പതാക അടങ്ങിയ സ്തംഭത്തെ വലിച്ചെറിയുകയായിരുന്നു. ഇതേത്തുടർന്ന് ബിജെപി പ്രവർത്തകരും അഗസ്റ്റിനും തമ്മിൽ വക്കേറ്റം ഉണ്ടാവുകയും പോലീസിനെ വിവരം അറിയിക്കുകയുമായിരുന്നു.
തൻറെ സ്ഥാപനത്തിൻറെ മുന്നിൽ പതാക സ്ഥാപിക്കാൻ അനുവദിക്കില്ലെന്ന നിലപാടിലാണ് അഗസ്റ്റിൻ.
