കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ കഞ്ചാവ് ഉപയോഗിക്കാന്‍ പ്രേരിപ്പിക്കുകയും ദൃശ്യങ്ങള്‍ സമൂഹമാദ്ധ്യമങ്ങളിലൂടെ പ്രചരിപ്പിക്കുകയും ചെയ്ത വ്‌ളോഗര്‍ എക്സൈസ് പിടിയില്‍. മട്ടാഞ്ചേരി സ്വദേശിയായ ഫ്രാന്‍സിസ് നെവിന്‍ അഗസ്റ്റിന്‍(35) ആണ് പിടിയിലായത്. ഇതിന്റെ വീഡിയോ ദൃശ്യങ്ങള്‍ സമൂഹമാദ്ധ്യമങ്ങളില്‍ പ്രചരിപ്പിച്ചവര്‍ക്കെതിരെയും എക്സൈസ് കേസെടുത്തിട്ടുണ്ട്. ഇയാളുടെ വീട്ടില്‍ നിന്നും രണ്ട് ഗ്രാം കഞ്ചാവും എക്സൈസ് പിടിച്ചെടുത്തു.
താന്‍ ലഹരി ഉപയോഗിക്കുന്നുണ്ടെന്ന് സമ്മതിക്കുകയും എല്ലാവരും ഉപയോഗിക്കണം എന്ന് ആഹ്വാനം ചെയ്യുകയും ചെയ്യുന്ന വീഡിയോയില്‍ ഫ്രാന്‍സിസ് പെണ്‍കുട്ടിയോട് ഗോ ഗ്രീന്‍ എന്നും കഞ്ചാവ് പച്ചക്കറിയാണെന്നും പറയുന്നുണ്ട്. 24 മണിക്കൂറും താന്‍ കഞ്ചാവ് ഉപയോഗിക്കുമെന്നും നാട്ടില്‍ വന്നിട്ട് ഒരുമിച്ചടിക്കാം എന്നും ഇയാള്‍ പെണ്‍കുട്ടിയോട് പറയുന്നുണ്ട്. കഞ്ചാവ് കൈവശം വച്ച് സുഹൃത്തിനൊപ്പം പോയപ്പോള്‍ പോലീസ് പിടിച്ച് ജയിലിലായെന്നും പിതാവ് പുറത്തിറക്കിയെന്നും ഇപ്പോള്‍ സാധനം കിട്ടാനില്ലെന്നും പെണ്‍കുട്ടി പറയുന്നുണ്ട്. എന്നാല്‍ ഫോര്‍ട്ട് കൊച്ചി വരെ വരാമോ അല്ലെങ്കില്‍ കോതമംഗലത്ത് പോകാമോ എന്ന് ഫ്രാന്‍സിസ് നെവിന്‍ വീഡിയോയില്‍ ചോദിക്കുന്നുണ്ട്.
പ്രതികരിക്കാൻ ഇവിടെ എഴുതുക: