കേന്ദ്രപൊതുമേഖലാ സ്ഥാപനമായ ഭൂവനേശ്വറിലെ നാഷണല്‍ ആലൂമിനിയം കമ്പനി ലിമിറ്റഡ് (നാല്‍കോ) സമര്‍ത്ഥരായ യുവ ഗ്രാഡുവേറ്റ് എന്‍ജിനീയര്‍ ട്രെയിനികളെ തേടുന്നു. വിവിധ ഡിസിപ്ലിനുകളിലായി ആകെ 189 ഒഴിവുകളുണ്ട്. (മെക്കാനിക്കല്‍- 58, ഇലക്ട്രിക്കല്‍- 41, ഇന്‍സ്ട്രമെന്റേഷന്‍- 32, മെറ്റലര്‍ജി- 14, കെമിക്കല്‍- 14, മൈനിംഗ്-10, സിവില്‍- 7, എംഎസ് സി കെമിസ്ട്രി- 13) ഒബിസി നോണ്‍ക്രിമിലെയര്‍, പട്ടികജാതി/ വര്‍ഗ്ഗ, ഇഡബ്ല്യുഎസ്, പിഡബ്ല്യുബിഡി വിഭാഗങ്ങളില്‍പ്പെടുന്നവര്‍ക്ക് ഒഴിവുകളില്‍ സംവരണം ലഭിക്കും.
യോഗ്യത: ബന്ധപ്പെട്ട ഡിസിപ്ലിനില്‍ മൊത്തം 65 ശതമാനം മാര്‍ക്കില്‍ കുറയാത്ത നാലുവര്‍ഷത്തെ ഫുള്‍ടൈം റഗുലര്‍ ബിഇ/ ബിടെക്/ ബിരുദമെടുത്തിരിക്കണം. കെമിസ്ട്രി ഡിസിപ്ലിനിലേക്ക് 65 മാര്‍ക്കോടെ എംഎസ് സി കെമിസ്ട്രി വിജയിച്ചിരിക്കണം. എസ്‌സി/ എസ്ടി/ പിഡബ്ല്യുഡി വിഭാഗങ്ങളില്‍പ്പെടുന്നവര്‍ക്ക് 55 ശതമാനം മാര്‍ക്ക് മതി. ഫൈനല്‍ ഡിഗ്രി/ പിജി വിദ്യാര്‍ത്ഥികള്‍ക്കും അപേക്ഷിക്കാം. ഗേറ്റ് 2022ല്‍ യോഗ്യത നേടിയിരിക്കണം.
ഗേറ്റ്- 2022 സ്‌കോര്‍ അടിസ്ഥാനത്തില്‍ വ്യക്തിഗത അഭിമുഖം നടത്തിയാണ് സെലക്ഷന്‍. പ്രായപരിധി 119-2022ല്‍ 30 വയസ് 1992 സെപ്തംബര്‍ 11ന് മുമ്പ് ജനിച്ചവര്‍ അപേക്ഷിക്കാന്‍ അര്‍ഹതയില്ല.
അപേക്ഷാ ഫീസ് ജനറല്‍ ഒബിസി, ഇഡബ്ല്യുഎസ് വിഭാഗത്തില്‍ 500 രൂപ. എസ് സി/ എസ്ടി ഉള്‍പ്പെടെ മറ്റ് വിഭാഗങ്ങളില്‍പ്പെടുന്നവര്‍ക്ക് 100 രൂപ മതി. ക്രഡിറ്റ്/ ഡബിറ്റ് കാര്‍ഡ്, ഇന്റര്‍നെറ്റ് ബാങ്കിംഗ് മുഖാന്തരം ഫീസ് അയയ്‌ക്കാം. വിശദ വിവിരങ്ങളടങ്ങിയ റിക്രൂട്ട്‌മെന്റ് വിജ്ഞാപനം www. nalcoindia.comല്‍ കരിയല്‍ പേജിലുണ്ട്. അപേക്ഷ നിര്‍ദ്ദേശാനുസരണം ഓണ്‍ലൈനായി ഓഗസ്റ്റ് 11 മുതല്‍ സെപ്റ്റംബര്‍ 11 വരെ വൈകിട്ട് 5.30ന് സമര്‍പ്പിക്കാവുന്നതാണ്. ഭാരത പൗരന്മാര്‍ക്കാണ് അവസരം.
തെരഞ്ഞെടുക്കപ്പെടുന്നവരെ 40,000 രൂപ അടിസ്ഥാന ബമ്പളത്തില്‍ ഒരു വര്‍ഷത്തെ പരിശീലനത്തിന് വിധേയമാക്കും. പരിശീലനം പൂര്‍ത്തിയാവുമ്പോള്‍ 60,000-180000 രൂപ ശമ്പളത്തില്‍ അസിസ്റ്റന്റ് മാനേജറായി ഇ-വണ്‍ ഗ്രേഡില്‍ നിയമിക്കും. ക്ഷാമബത്ത, വീട്ടുവാടകബത്ത, ചികിത്സാസൗകര്യം, കോണ്‍ട്രിബ്യൂട്ടറി പ്രൊവിഡന്റ് ഫണ്ട്, ഗ്രാറ്റുവിറ്റി മുതലായ ആനുകൂല്യങ്ങളുമുണ്ട്. കൂടുതല്‍ വിവിരങ്ങള്‍ വിജ്ഞാപനത്തില്‍ ലഭിക്കും.
പ്രതികരിക്കാൻ ഇവിടെ എഴുതുക: