തിരുവനന്തപുരം: ബലാത്സംഗക്കേസില്‍ അറസ്റ്റിലായ ടിക്ടോക് താരം വിനീതിനെതിരെ കൂടുതല്‍ പരാതികളുമായി സ്ത്രീകള്‍ രംഗത്ത്. വീട്ടമ്മയായ യുവതിയോട് സൗഹൃദം സ്ഥാപിച്ച് സ്വകാര്യദൃശ്യങ്ങള്‍ പകര്‍ത്തിയതായാണ് പരാതി. പ്രതി ഇ-മെയില്‍, ഇന്‍സ്റ്റാഗ്രാം ഐഡികളും പാസ് വേര്‍ഡുകള്‍ കൈക്കലാക്കിയതായും അതു കാണിച്ച് ഭീഷണിപ്പെടുത്തിയെന്നും വീട്ടമ്മ പരാതി നല്‍കി.
ബലാത്സംഗക്കേസില്‍ വിനീത് അറസ്റ്റിലായതിന് പിന്നാലെ പോലീസിനെ ഫോണില്‍ വിളിച്ച് നിരവധി കോളേജ് വിദ്യാര്‍ഥിനികളും പരാതിപ്പെട്ടു. മോശമായി പെരുമാറിയതിനെ തുടര്‍ന്ന് സൗഹൃദത്തില്‍ നിന്ന് പിന്മാറിയിരുന്നതായി വിദ്യാര്‍ഥിവനികള്‍ പറഞ്ഞു. എന്നാല്‍ ഫോണ്‍ എടുക്കാത്തതിന്റെ പേരില്‍ വിളിച്ച് അസഭ്യം പറഞ്ഞതായി വിദ്യാര്‍ഥിവനികള്‍ പറഞ്ഞു. എന്നാല്‍ ഇവര്‍ രേഖാമൂലം പരാതി നല്‍കാന്‍ തയ്യാറായിട്ടില്ല.
വിനീത് പീഡനക്കേസില്‍ അറസ്റ്റിലായ വാര്‍ത്ത പുറത്തുവന്നതിന് പിന്നാലെയാണ് ഇയാള്‍ക്കെതിരേ കൂടുതല്‍ പരാതികള്‍ ഉയര്‍ന്നത്. കോളജ് വിദ്യാര്‍ത്ഥിനിയുടെ പരാതിയിലാണ് നിലവില്‍ വിനീതിനെ ബലാത്സംഗക്കുറ്റം ചുമത്തി അറസ്റ്റു ചെയ്തത്. കാറു വാങ്ങിക്കാന്‍ ഒപ്പം വരണമെന്നാവശ്യപ്പെട്ട് പെണ്‍കുട്ടിയെ കൂട്ടിക്കൊണ്ടു പോകുകയായിരുന്നു. തുടര്‍ന്ന് തിരുവനന്തപുരത്തെ ഒരു ഹോട്ടലില്‍ മുറിയെടുത്ത് ബലാത്സംഗം ചെയ്തു എന്നാണ് പരാതി. നേരത്തെ പോലീസിലായിരുന്നുവെന്നും ഇപ്പോള്‍ സ്വകാര്യ ചാനലില്‍ ജോലി ചെയ്യുകയാണ് എന്നുമാണ് ഇയാള്‍ പറഞ്ഞിരുന്നത്. ശാരീരിക അസ്വസ്ഥതകള്‍ കാരണം പോലീസില്‍ നിന്ന് രാജിവച്ചു എന്നായിരുന്നു അവകാശവാദം. എന്നാല്‍ ഇയാള്‍ക്ക് പോലീസില്‍ ജോലി ഇല്ലെന്നും റീല്‍സ് ചെയ്ത് നടക്കുന്നതുമാണ് വിനീതിന്റെ പണിയെന്നും പോലീസ് വ്യക്തമാക്കി.
വിനീതിനെതിരെ നേരത്തെ കന്റോണ്‍മെന്റ് സ്റ്റേഷനില്‍ ബൈക്ക് മോഷണത്തിനും കിളിമാനൂരില്‍ അടിപിടിയുണ്ടാക്കിയതിനും കേസുകളുണ്ടായിരുന്നു.
പ്രതികരിക്കാൻ ഇവിടെ എഴുതുക: