തൃക്കരിപ്പൂര്‍: ബിജെപി പ്രവര്‍ത്തകനും മാവിലാക്കടപ്പുറത്തെ ഓട്ടോറിക്ഷാ ഡ്രൈവര്‍ ഒരിയരയിലെ കെ.ശ്രീയേഷി(27)നെ കഴുത്തിന് വെട്ടി കൊലപ്പെടുത്താന്‍ ശ്രമിച്ച കേസില്‍ സിപിഎം ബ്രാഞ്ച് സെക്രട്ടറിയും കഴിഞ്ഞ പഞ്ചായത്ത് തിരഞ്ഞെടുപ്പിലെ എല്‍ഡിഎഫ് സ്ഥാനാര്‍ത്ഥിയുമായിരുന്ന പി.ഷൈമേഷിനെ ചന്തേര പോലീസ് അറസ്റ്റ് ചെയ്തു.
കഴിഞ്ഞ ബുധാനാഴ്‌ച്ച ഉച്ചയോടെ ഒരിയര ക്ഷേത്രത്തിന് സമീപത്തെ കടലോരത്ത് വച്ചാണ് ശ്രീജേഷിനെ വിളിച്ച് കൊണ്ടുപോയി കത്തി കൊണ്ട് വെട്ടിയത്. കഴുത്തിന് ഗുരുതര പരിക്കേറ്റ് രക്തം വാര്‍ന്ന നിലയില്‍ നാട്ടുകാരും ഡ്രൈവര്‍മാരും ചേര്‍ന്ന് ശ്രീജേഷിനെ ചെറുവത്തൂരിലെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. സംസാരിച്ചുകൊണ്ടിരിക്കെ പ്രകോപനമൊന്നുമില്ലാതെ കത്തിയെടുത്ത് കഴുത്തില്‍ തുടരെ തുടരെ വെട്ടുകയായിരുന്നുവെന്ന് പ്രദേശത്തുണ്ടായിരുന്നവര്‍ പറഞ്ഞിരുന്നു. ഇതേ തുടര്‍ന്നാണ് ചന്തേര പോലീസ് പ്രതിയെ അറസ്റ്റ് ചെയ്തത്.
പ്രതിയെ കോടതി 14 ദിവസത്തേക്ക് റിമാന്റ് ചെയ്തു.
പ്രതികരിക്കാൻ ഇവിടെ എഴുതുക: