കൊല്‍ക്കൊത്ത: അധ്യാപകനിയമനത്തിലെ തൃണമൂല്‍ മന്ത്രിയുടെ കോടികളുടെ അഴിമതി പുറത്തായതോടെ പ്രതിരോധത്തിലായ മമതയ്‌ക്ക് പുതിയ തിരിച്ചടിയുമായി ബിജെപി നേതാവായ മിഥുന്‍ ചക്രവര്‍ത്തി. 38 തൃണമൂല്‍ എംഎല്‍എമാര്‍ ബിജെപിയുമായി ബന്ധപ്പെടുന്നുണ്ടെന്നും അതില്‍ 21 പേര്‍ നേരിട്ടാണ് ബന്ധപ്പെടുന്നതമെന്നും മിഥുന്‍ ചക്രവര്‍ത്തി വെളിപ്പെടുത്തി.
നിങ്ങള്‍ക്ക് ബ്രേക്കിംഗ് ന്യൂസ് വേണോ എന്ന് ചോദിച്ചാണ് മാധ്യമപ്രവര്‍ത്തകരോട് ഇന്നലെകളിലെ നടന്‍ കൂടിയായ മിഥുന്‍ ചക്രവര്‍ത്തി വാര്‍ത്താസമ്മേളനം തുടങ്ങിയത്. ഹേസ്റ്റിംഗ്സില്‍ ബിജെപി തെരഞ്ഞെടുപ്പ് ഓഫീസില്‍ ബിജെപി എംഎല്‍എമാരുടെ പ്രത്യേക യോഗത്തില്‍ പങ്കെടുത്തശേഷമാണ് മിഥുന്‍ ചക്രവര്‍ത്തി ഇക്കാര്യം വെളിപ്പെടുത്തിയത്.
ഇക്കഴിഞ്ഞ നിയമസഭാ തെരഞ്ഞെടുപ്പില്‍ ബംഗാളില്‍ ഉടനീളം മിഥുന്‍ ചക്രവര്‍ത്തി പര്യടനം നടത്തിയിരുന്നു.
പ്രതികരിക്കാൻ ഇവിടെ എഴുതുക: