പാലക്കാട് : ക്ലാസ് മുറിയില്വെച്ച് വിദ്യാര്ത്ഥിനിയുടെ കാലില് പാമ്പ് ചുറ്റി. മങ്കര ഗവണ്മെന്റ് ഹയര്സെക്കന്ഡറി സ്കൂളിലെ നാലാംക്ലാസ് വിദ്യാര്ത്ഥിനിയുടെ കാലിലാണ് പാമ്പ് ചുറ്റിയത്. കുട്ടിയെ പാലക്കാട് ജില്ലാ ആശുപത്രിയില് നിരീക്ഷണത്തിനായി പ്രവേശിപ്പിച്ചിരിക്കുകയാണ്.
രാവിലെ ക്ലാസ്സിലെത്തിയ വിദ്യാര്ത്ഥിനി അബദ്ധത്തില് പാമ്പിനെ ചിവിട്ടുകയും അത് കാലില് ചുറ്റുകയുമായിരുന്നു. ഭയന്ന കുട്ടി കാല് കുടയുകയും ദൂരേയ്ക്ക് തെറിച്ചുവീണ പാമ്പ് സമീപത്തെ അലമാരയിലേക്ക് കയറുകയുമായിരുന്നു. കുട്ടിയുടെ കരച്ചില്കേട്ട് അവിടേയ്ക്ക് എത്തിയ അധ്യാപകര് പാമ്പിനെ തല്ലിക്കൊന്നു. കുട്ടിക്ക് പാമ്പിന്റെ കടിയേറ്റിട്ടില്ല. 24 മണിക്കൂര് നിരീക്ഷണത്തിനായി പ്രവേശിപ്പിച്ചിരിക്കുകയാണ്.
അതേസമയം സ്കൂളിന്റെ പരിസര പ്രദേശങ്ങള് കാടുപിടിച്ചു കിടക്കുകയാണ്. അവിടെ വെട്ടിതെളിക്കാത്തതിനാലാണ് ഇത്തരത്തില് ക്ലാസ് മുറിയില് പാമ്പ് കയറാന് കാരണം. അധികൃതരുടെ ഭാഗത്തു നിന്നുണ്ടായ വീഴ്ചയാണ് സംഭവത്തിന് പിന്നിലെന്നും നാട്ടുകാര് ആരോപിച്ചു.
