കോഴിക്കോട്: നിയമങ്ങള്‍ ലംഘിച്ച് നിരത്തിലിറങ്ങുന്ന ഇന്‍ഡിഗോ വാഹനങ്ങളെ കണ്ടെത്തുന്നതിനുള്ള പരിശോധന മോട്ടോര്‍ വാഹന വകുപ്പ് വ്യാപകമാക്കും. കരിപ്പൂര്‍ വിമാനത്താവളത്തിനുള്ളില്‍ ഉപയോഗിക്കുന്ന വാഹനങ്ങളില്‍ ഭൂരിഭാഗവും നികുതി അടയ്‌ക്കാതെയാണ് ഓടുന്നതെന്നാണ് മോട്ടോര്‍ വാഹന വകുപ്പിന്റെ നിഗമനം.
മലപ്പുറം കൊണ്ടോട്ടി ജോ. ആര്‍ടിഒയുടെ നേതൃത്വത്തില്‍ കരിപ്പൂര്‍ എയര്‍പോര്‍ട്ടില്‍ നികുതിയടയ്‌ക്കാത്ത എത്ര വാഹനങ്ങളുണ്ടെന്നുള്ള കണക്കാണ് ആര്‍ടിഒ എടുക്കാന്‍ ഉദ്ദേശിക്കുന്നത്. സാധാരണ വിമാനത്താവളത്തില്‍ വാഹനമോടിക്കാന്‍ രജിസ്‌ട്രേഷന്‍ ആവശ്യമില്ലെങ്കിലും റോഡില്‍ കയറുന്നത് നിയമലംഘനമാണ്. മറ്റ് വിമാനക്കമ്പനികളുടെ വാഹനങ്ങളും ആര്‍ടിഒ പരിശോധിക്കും.
വിമാനത്താവളത്തിനുള്ളില്‍ പരിശോധന നടത്താന്‍ മോട്ടോര്‍ വാഹന വകുപ്പിന് കഴിയാത്തത് മുതലെടുത്താണ് നിയമലംഘനം തുടരുന്നത്. രജിസ്റ്റര്‍ ചെയ്യാത്ത ബസ് പോലും ഉണ്ടാകാന്‍ സാധ്യതയുണ്ട്. ബസുകള്‍ വിമാനത്താവളത്തില്‍ നിന്ന് പുറത്തിറങ്ങുന്നതോടെ കൂടുതല്‍ പരിശോധനകള്‍ ഉണ്ടാകും.
പ്രതികരിക്കാൻ ഇവിടെ എഴുതുക: