കണ്ണൂര്: കണ്ണൂരില് വിദേശത്തു നിന്നു വന്നയാള്ക്ക് മങ്കിപോക്സ് സ്ഥിരീകരിച്ച സാഹചര്യത്തില് പരിയാരത്ത് പ്രത്യേക മെഡിക്കല് ബോര്ഡ് രൂപീകരിച്ചു. മങ്കിപോക്സ് സ്ഥിരീകരിച്ചയാളെ പ്രത്യേക ഐസലേഷന് വാര്ഡിലാക്കിയിട്ടുണ്ടണ്ട്. ഇദ്ദേഹത്തിന്റെ കൂടെയുണ്ടായിരുന്ന ആറു കുടുംബാംഗങ്ങളും നിരീക്ഷണത്തിലാണ്. കഴിഞ്ഞ 13 ന് വിദേശത്തുനിന്നെത്തിയ വിമാനത്തില് മംഗളുരു വിമാനത്താവളത്തിലിറങ്ങിയ പയ്യന്നൂര് സ്വദേശിക്കാണ് മങ്കിപോക്സിന്റെ രോഗലക്ഷണങ്ങളുണ്ടണ്ടായത്.
വിമാനത്താവളത്തില് ചെക്ക് ഔട്ടിനിടെ ഇദ്ദേഹത്തിന്റെ കൈയില് അലര്ജിപോലെ കണ്ടതിനെ തുടര്ന്ന് മംഗളൂരുവില് ഡോക്ടര്ക്ക് റഫര് ചെയ്യുകയായിരുന്നു. ഇതിനുശേഷം രോഗലക്ഷണങ്ങള് മങ്കിപോക്സിന്റെതാണെന്ന് തിരിച്ചറിഞ്ഞതിനെ തുടര്ന്നാണ് പരിയാരത്തെ കണ്ണര് മെഡിക്കല് കോളേജിലേക്ക് മാറ്റിയത്.
മങ്കിപോക്സ് ബാധിതനായ ആള്ക്കും കുടുംബാംഗങ്ങള്ക്കും ഇവിടെ പ്രത്യേക ഐസലേഷന് വാര്ഡ് ഒരുക്കിയിട്ടുണ്ടണ്ട്. രോഗബാധിതനായ വിദേശമലയാളിയുടെ സ്ഥിതി തൃപ്തികരമാണ്. ഇദ്ദേഹത്തിന്റെ ചികിത്സ വിലയിരുത്തുന്നതിനായ പ്രത്യേക മെഡിക്കല് ബോര്ഡ് രൂപീകരിച്ചിട്ടുണ്ട്.
ചികിത്സ വിലയിരുത്തിയതിനുശേഷം ബോര്ഡ് ഓരോ ദിവസവും യോഗം ചേരും. ആരോഗ്യനിലയെ കുറിച്ച് പ്രത്യേക ബുള്ളറ്റ് പുറത്തിറക്കും. 21 ദിവസമാണ് മങ്കിപോക്സ് ചികിത്സിച്ചു മാറാനുള്ള കാലാവാധി. കൊവിഡ് നിയന്ത്രണങ്ങള് പോലെ തന്നെ ഇതിനും വേണം. പിപിഇ കിറ്റ് ധരിച്ചാണ് ഡോക്ടര്മാര് ചികിത്സ നടത്തുന്നത്. വൈറസ് രോഗമാണെങ്കിലും കൊവിഡ് പോലെ അതിവേഗം പടരാനുള്ള സാഹചര്യം മങ്കിപോക്സിനില്ല. തുടര്ച്ചയായി ആറുമണിക്കൂര് സമ്പര്ക്കത്തിലേര്പ്പെട്ടാല് മാത്രമേ ഈ രോഗം മറ്റുള്ളവരിലേക്കെത്തുകയുള്ളൂ.
മാത്രമല്ല ചിക്കന്പോക്സിന് സമാനമായി ദേഹത്ത് മുഴുവന് കുമിളകളുണ്ടണ്ടാവുകയാണ് ഇതിന്റെ പ്രധാനലക്ഷണം. ചെറുപ്പത്തില് ചിക്കന് പോക്സിന്റെ കുത്തിവയ്പ്പെടുത്തവര്ക്ക് മങ്കിപോക്സ് അത്രതീവ്രവമായി ബാധിക്കുന്നില്ലെന്ന വിലയിരുത്തല് ആരോഗ്യ വിദഗ്ദ്ധര്ക്കുണ്ടണ്ട്.
