കൊച്ചി: കേരളത്തില് തഴച്ചുവളര്ന്ന് രാജ്യത്തിനു തന്നെ ഭീഷണിയായി മാറിയ ജിഹാദി സംഘടനകളെ നിരോധിക്കണമെന്ന് വിശ്വഹിന്ദു പരിഷത്ത് കേന്ദ്ര, സംസ്ഥാന സര്ക്കാരുകളോട് ആവശ്യപ്പെട്ടു. ഒരുകാലത്ത് ഇസ്ലാമിക ഭീകരരുടെ കേന്ദ്രമായിരുന്ന കശ്മീര് ഇന്നു സമാധാനത്തിലേക്കു നീങ്ങുമ്പോള് കേരളത്തില് സ്ഥിതി ഗുരുതരമാകുന്നു.
കേരളത്തില് നിന്നു യുവാക്കളെ ഐഎസ് അടക്കമുള്ള ഭീകര സംഘടനകളിലേക്കു റിക്രൂട്ട് ചെയ്യുന്നു. ലൗ ജിഹാദിന്റെ മറവില് ഹൈന്ദവ, ക്രൈസ്തവ യുവതികളെ വിവാഹം കഴിച്ച് ഇസ്ലാമിക തീവ്രവാദ രാജ്യങ്ങളിലെത്തിച്ചു ചാവേറുകളാക്കുന്നു. ഇതൊന്നും അന്വേഷിക്കാനോ നടപടി കൈക്കൊള്ളാനോ ആഭ്യന്തര വകുപ്പും പോലീസും തയ്യാറാകുന്നില്ല.
ഇസ്ലാമിക ഭീകരതയ്ക്ക് ഏറ്റവും വളക്കൂറുള്ള മണ്ണായി കേരളം. കേരളത്തിലെ സംഘ പരിവാര് പ്രവര്ത്തകരെ സംബന്ധിച്ച വിവരങ്ങള് പോലീസ് സേനയില് നിന്നു പോലും ചോരുന്നു. ലോകം മുഴുവന് തിരിച്ചറിഞ്ഞ ഇസ്ലാമിക ഭീകരതയുടെ നീരാളിപ്പിടിത്തം മലയാളി പൊതുസമൂഹം മനസ്സിലാക്കണം. കേരള സര്ക്കാര് ഇക്കാര്യം അന്വേഷിക്കണം. പോപ്പുലര് ഫ്രണ്ട്, എസ്ഡിപിഐ സംഘടനകളെ നിരോധിക്കണം, പ്രമേയത്തില് ആവശ്യപ്പെടുന്നു.
