തിരുവനന്തപുരം: മാധ്യമപ്രവര്ത്തനം നിര്ണായകമായ കാലഘട്ടത്തിലൂടെയാണ് കടന്നുപോകുന്നതെന്ന് ഇന്ത്യന് മുന് അംബാസഡര് ഡോ. ടി.പി ശ്രീനിവാസര്. ‘മാധ്യമപ്രവര്ത്തനം, തെറ്റായ വാര്ത്തകളും തെറ്റായ വിവരങ്ങളും’ എന്ന വിഷയത്തില് സംഘടിപ്പിച്ച സെമിനാര് ഉദ്ഘാടനം ചെയ്യുകയായിരുന്നു അദ്ദേഹം. കോഴിക്കോട് കേസരി ഭവനില് ആരംഭിക്കുന്ന മഹാത്മാഗാന്ധി കോളജ് ഓഫ് കമ്മ്യൂണിക്കേഷന് (മാഗ്കോം) ആണ് കേസരി ഹാളില് സെമിനാര് സംഘടിപ്പിച്ചത്.
ലോകത്ത് അച്ചടി മാധ്യമത്തിന്റെ കാലം അവസാനിക്കുമ്പോഴും ഇന്ത്യയില് ജനങ്ങള്ക്ക് ഇപ്പോഴും വിശ്വാസവും ആധികാരികതയുമുണ്ട്. തെറ്റായ വാര്ത്തകളാണെന്ന് അറിഞ്ഞുകൊണ്ട് തെറ്റായ കാര്യങ്ങള് പ്രചരിപ്പിക്കുന്ന മാധ്യമങ്ങള് നമുക്ക് ചുറ്റുമുണ്ട്. എല്ലാ മാധ്യമങ്ങള്ക്കും അവരുടേതായ നയങ്ങളും രീതികളുമാണുള്ളത്. മാധ്യമങ്ങള് തെറ്റായ വാര്ത്തകള് പ്രചരിപ്പിച്ചാലും ജനങ്ങള്ക്ക് അവരുടെ യുക്തിക്കനുസരിച്ച് വാര്ത്തകളുടെ സത്യസന്ധതയും യാഥാര്ത്ഥ്യവും മനസ്സിലാക്കാനുള്ള കഴിവുണ്ടെന്നും ടി.പി. ശ്രീനിവാസന് പറഞ്ഞു.
മുതിര്ന്ന മാധ്യമപ്രവര്ത്തകന് ജി. ശേഖരന് നായര് അധ്യക്ഷത വഹിച്ചു. കേസരി വാരിക ചീഫ് എഡിറ്റര് ഡോ. എന്.ആര്. മധു കോഴ്സുകളെ പറ്റി വിശദീകരിച്ചു. മാഗ്കോം ഡയറക്ടര് എ.കെ. അനുരാജ് സെമിനാര് അവതരിപ്പിച്ചു. കെയുഡബ്ല്യജെ സംസ്ഥാന പ്രസിഡന്റ് കെ.പി. റെജി ആശംസ അര്പ്പിച്ചു.
