ഇടുക്കി: സംസ്ഥാനത്ത് കനത്ത മഴ തുടരുന്ന സാഹചര്യത്തില് ഇടുക്കിയില് വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടര് നാളെ അവധി പ്രഖ്യാപിച്ചു. പ്രൊഫഷണല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്കാണ് ജൂലൈ ഏഴിന് അവധി. ജില്ലയില് നിലവില് യെല്ലൊ അലര്ട്ട് പ്രഖ്യാപ്പിച്ചിരിക്കുകയാണ്.
അതേസമയം മുന്കൂട്ടി നിശ്ചയിച്ച പരീക്ഷകള് ഇന്റര്വ്യൂ എന്നിവക്ക് മാറ്റമില്ലെന്നും അധികൃതര് അറിയിച്ചു. ഇടുക്കിയില് കനത്ത മഴയെ തുടര്ന്ന് കൊച്ചി ധനുഷ്കോടി ദേശീയപാതയില് മണ്ണിടിഞ്ഞും മരം കടപുഴകി വീണും ഗതാഗതം തടസ്സപ്പെട്ടു. ജില്ലയിലെ ഉയര്ന്ന പ്രദേശങ്ങളില് ഇപ്പോഴും മഴ ശക്തമായി തുടരുകയാണ്. മഴയെ തുടര്ന്ന് മരം വീണ് മൂന്നു പേര് മരിച്ചതോടെ തോട്ടങ്ങളില് തൊഴിലാളികളെ പണിയെടുപ്പിക്കുന്നത് കളക്ടര് നിരോധിച്ചു.
