മലപ്പുറം: മലപ്പുറം ഗവ. കോളജില് ലക്ഷങ്ങള് വിലമതിക്കുന്ന ഇലക്ട്രിക്കല് ഉപകരണങ്ങള് മോഷ്ടിച്ച വിദ്യാര്ത്ഥികള് പിടിയില്. എസ്എഫ്ഐ, കെഎസ്യു യൂണിറ്റ് ഭാരവാഹികളടക്കം ഏഴുപേരെയാണ് പോലീസ് അറസ്റ്റുചെയ്തത്. പ്രിന്സിപ്പല് നല്കിയ പരാതിയന്മേലുള്ള അന്വേഷണത്തിലാണ് പ്രതികളെ പോലീസ് പിടികൂടിയത്.
എസ്എഫ്ഐ യൂണിറ്റ് സെക്രട്ടറി വിക്ടര് ജോണ്സണ്, കെ.എസ്.യു യൂണിറ്റ് പ്രസിഡന്റ് അരീക്കോട് ആത്തിഫ് എന്നിവരാണ് പിടിയിലായ വിദ്യാര്ത്ഥി നേതാക്കള്. തിങ്കളാഴ്ചയാണ് മോഷണ വിവരം അധികൃതരുടെ ശ്രദ്ധയില്പ്പെട്ടത്. 11 ബാറ്ററികളും പ്രൊജക്ടറുകളുമാണ് വിവിധ ഡിപ്പാര്ട്ട്മെന്റുകളില് നിന്ന് മോഷ്ടിക്കപ്പെട്ടത്. അധികൃതരുടെ ശ്രദ്ധയില്പെട്ടതിനെ തുടര്ന്ന് മലപ്പുറം പൊലീസില് പരാതി നല്കുകയായിരുന്നു.
ഇസ്ലാമിക് ഹിസ്റ്ററി, ഉറുദു, കെമിസ്ട്രി ഡിപ്പാര്ട്ടുമെന്റുകളിലാണ് മോഷണം നടന്നത്. 11 ബാറ്ററികളില് ആറെണ്ണം നിലവില് പ്രവര്ത്തിക്കുന്നവയാണ്. അഞ്ചെണ്ണം ഉപയോഗശൂന്യമായവയാണ്.
