മുംബൈ: ഉദ്ധവ് താക്കറെയ്ക്ക് വേണ്ടി കരഞ്ഞുവിളിച്ചുകൊണ്ടുള്ള വീഡിയോ ഇറക്കി വൈറലായ ശിവസേന എംഎല്‍എ സന്തോഷ് ബംഗര്‍ ഏക് നാഥ് ഷിന്‍ഡേ പക്ഷത്ത് ചേര്‍ന്നു. ഇത് ഉദ്ധവ് താക്കറെ ക്യാമ്പില്‍ വലിയ അമ്പരപ്പ് സൃഷ്ടിച്ചിരിക്കുകയാണ്.
ഉദ്ധവ് താക്കറെയ്ക്ക് വേണ്ടി പൊട്ടിക്കരയുന്ന സഞ്ജയ് ബംഗാറിന്റെ വൈറല്‍ വീഡിയോ:
ഏക് നാഥ് ഷിന്ഡെ പക്ഷം താമസിച്ചിരുന്ന മുംബൈയിലെ ഹോട്ടലില്‍ ഞായറാഴ്ച രാത്രിയാണ് അദ്ദേഹം എത്തിയത്. തിങ്കളാഴ്ച നടന്ന വോട്ടെടുപ്പില്‍ സന്തോഷ് ബംഗാര്‍ ഏക് നാഥ് ഷിന്‍ഡേയ്‌ക്ക് വോട്ടു ചെയ്തു. സന്തോഷ് ബംഗാര്‍ കൂടി പിന്തുണച്ചതോടെ ഷിന്‍ഡേ പക്ഷത്തിന്റെ കരുത്ത് 39ല്‍ നിന്നും 40 ആയി.
ഷിന്‍ഡേ പക്ഷം മഹാരാഷ്‌ട്ര വിട്ട് ഗുവാഹത്തിയിലെ ഹോട്ടലില്‍ തങ്ങുന്ന സമയത്ത് ഉദ്ധവ് താക്കറെയ്ക്ക് വേണ്ടി പൊതുവേദിയില്‍ പിന്തുണ പ്രഖ്യാപിച്ച എംഎല്‍എയാണ് സന്തോഷ് ബംഗാര്‍. അന്ന് വേദിയില്‍ പൊട്ടിക്കരഞ്ഞ അദ്ദേഹത്തിന്റെ വീഡിയോ വൈറലായിരുന്നു. ഞങ്ങള്‍ നിങ്ങള്‍ക്കൊപ്പമാണ് താക്കറെ എന്ന് പറഞ്ഞ് പൊട്ടിക്കരഞ്ഞ സന്തോഷ് ബംഗാര്‍ മഹാരാഷ്‌ട്രയില്‍ ഉദ്ധവ് താക്കറെ അനുയായികളെ ആവേശം കൊള്ളിച്ചിരുന്നു. പക്ഷെ പൊടുന്നനെയാണ് അദ്ദേഹം ഷിന്ഡെ ക്യാമ്പില്‍ എത്തിയത്.
പ്രതികരിക്കാൻ ഇവിടെ എഴുതുക: