ലണ്ടന്‍: ലിവര്‍പൂള്‍ സൂപ്പര്‍ താരം മുഹമ്മദ് സലാ ടീമില്‍ തുടരും. സമൂഹ മാധ്യമത്തിലൂടെയാണ് ഇക്കാര്യം ലിവര്‍പൂള്‍ അറിയിച്ചത്. സലായും, ടീമും ദീര്‍ഘനാളത്തേക്കുള്ള കരാറിലാണ് ഒപ്പിട്ടിരിക്കുന്നത്. ഈ സീസണില്‍ സലാ ടീം വിടുമെന്ന അഭ്യൂഹങ്ങള്‍ ഉണ്ടായിരുന്നു.
ടീമില്‍ തുടരുന്നതില്‍ സന്തോഷമുണ്ടെന്ന് സലാ പ്രതികരിച്ചു. 2017 മുതല്‍ ലിവര്‍പൂളില്‍ കളിക്കുന്ന സലാ കഴിഞ്ഞ സീസണില്‍ ടീമിനായി 31 ഗോളുകള്‍ നേടിയിരുന്നു. കഴിഞ്ഞ സീസണില്‍ എഫ്എ കപ്പും, ഇഎഫ്എല്‍ കപ്പും നേടിയ ലിവര്‍പൂള്‍, പ്രീമിയര്‍ ലീഗിലും ചാമ്പ്യന്‍സ് ലീഗിലും റണ്ണേഴ്‌സ് അപ്പായിരുന്നു.
പ്രതികരിക്കാൻ ഇവിടെ എഴുതുക: