ഡബ്ലിന്: അയര്ലന്ഡിനെതിരായ ഇന്ത്യയുടെ ആദ്യ ട്വന്റി20 മത്സരം നാളെ. ഡബ്ലിനില് ഇന്ത്യന് സമയം രാത്രി ഒമ്പതിന് മത്സരം തുടങ്ങും. ഹാര്ദിക് പാണ്ഡ്യ ക്യാപ്റ്റനായുള്ള അരങ്ങേറ്റം കൂടിയാണ് മത്സരം. ടീമിലുള്ള മലയാളി താരം സഞ്ജു സാംസണിന് അവസരം ലഭിച്ചേക്കുമെന്നാണ് സൂചനകള്.
ദക്ഷിണാഫ്രിക്കയ്ക്കെതിരെ നാട്ടില് നടന്ന മത്സരത്തില് അവസാന രണ്ട് മത്സരത്തില് മികച്ച ജയം നേടിയതിന്റെ ആത്മവിശ്വാസത്തിലാണ് ഇന്ത്യ ഇറങ്ങുന്നത്. ഓപ്പണിങ്ങില് ഋതുരാജ് ഗെയ്ക്വാദ്, ഇഷാന് കിഷന്, പരിക്ക് മാറി ടീമിലെത്തിയ സൂര്യകുമാര് യാദവ് എന്നിവര്ക്ക് തിളങ്ങാനായാല് ഇന്ത്യക്ക് മികച്ച തുടക്കമായിരിക്കും ലഭിക്കുക. ഹാര്ദിക് പാണ്ഡ്യ, ദിനേശ് കാര്ത്തിക് എന്നിവര് ഫോമിലുള്ളത് ഇന്ത്യക്ക് ആശ്വാസം. ബൗളിങ്ങില് ഭുവനേശ്വര് കുമാര്, ആവേശ് ഖാന്, ഹര്ഷല് പട്ടേല് എന്നിവര്ക്കൊപ്പം യുസ്വേന്ദ്ര ചഹലും മികച്ച ഫോമിലാണ്.
ഇംഗ്ലണ്ടിനെതിരെയുള്ള ട്വന്റി20 മത്സരത്തിലും ഇതേ ടീമിനെ തന്നെ നിലനിര്ത്താന് സാധ്യതയുള്ളതിനാല് സഞ്ജു അടക്കമുള്ളവര്ക്ക് ഓരേ മത്സരവും പ്രധാനമാണ്. ദേശീയ ക്രിക്കറ്റ് അക്കാദമി തലവന് വി.വി.എസ്. ലക്ഷ്മണാണ് പരിശീലകന്.
അയര്ലന്ഡും ജയം ലക്ഷ്യമിട്ടാണ് ഇറങ്ങുക. ആന്ഡ്രൂ ബാല്ബിര്ണിയുടെ കീഴിലാണ് അയര്ലന്ഡ് ഇറങ്ങുക. ഹാരി ടെക്ടര്, പോള് സ്റ്റര്ലിങ് അടങ്ങുന്ന ബാറ്റിങ്ങ് നിരയും, ബാരി മകകാര്ത്തി, കോണര് ഓള്ഫര്ട്ട് എന്നിവര് അടങ്ങുന്ന ബൗളിങ് നിരയുമാണ് അയര്ലന്ഡിന്റെ കരുത്ത്.
സാധ്യതാ ടീം
ഇന്ത്യ: രാഹുല് ത്രിപാഠി, ഋതുരാജ് ഗെയ്ക് വാദ്, സൂര്യകുമാര് യാദവ്, അക്സര് പട്ടേല്, ദീപക് ഹൂഡ, ഹര്ദിക് പാണ്ട്യ (ക്യാപ്റ്റന്), വെങ്കിടേഷ് ഐയ്യര്, ദിനേശ് കാര്ത്തിക്, ഇഷാന് കിഷന്, സഞ്ജു സാംസണ്, അര്ഷദീപ് സിങ്, ആവേശ് ഖാന്, ഭുവനേശ്വര് കുമാര്, ഹര്ഷല് പട്ടേല്, രവി ബിഷ്ണോയ്, ഉമ്രാന് മാലിക്, യുശ്വേന്ദ്ര ചഹല്.
അയര്ലന്ഡ്: ആന്ഡ്രൂ ബാല് ബിര്ണി (ക്യാപ്റ്റന്), ഹാരി ടെക്ടര്, പോള് സ്റ്റിര്ലിങ്, ആന്ഡി മക്ബ്രൈണ്, കര്ട്ടിസ് ക്വാംഫര്, ഗരത്ത് ഡെലാനി, ജോര്ജ് ഡോക്റെല്, ലോര്ക്കന് ടക്കര്, സ്റ്റീഫന് ഡേ്ഹ്ണി, ബാരി മക് കാര്ത്തി, കോണര് ഓല്ഫെര്ട്ട്, ക്രെയ്ഗ് യങ്, ജോഷ്വാ ലിറ്റില്, മാര്ക്ക് അഡയ്ര്.
