ചെന്നൈ: തമിഴ്നാട്ടില്‍ ബിജെപി നേതാക്കളെ വേട്ടയാടുന്നതിനെതിരെ സ്റ്റാലിന്‍ സര്‍ക്കാരിനെ വിമര്‍ശിച്ച് ബിജെപി നേതാവ് അണ്ണാമലൈ. ബിജെപിയുടെ സമയവും ഒരിയ്‌ക്കല്‍ വരുമെന്നും അണ്ണാമലൈ താക്കീത് ചെയ്തു.
ന്യായമായ ആവശ്യങ്ങള്‍ക്ക് വേണ്ടി സമരം ചെയ്ത 15 ബിജെപി എക്സിക്യൂട്ടീവുകളില്‍ ആറ് പേരെ ഡിഎംകെ സര്‍ക്കാര്‍ അറസ്റ്ര് ചെയ്തു. “അറസ്റ്റ് ചെയ്തവരെ പുറത്തിറക്കാന്‍ എല്ലാ ശ്രമങ്ങളും നടത്തുകയാണ്”- അണ്ണാമലൈ പറഞ്ഞു.
“ഒഡ്ഡചത്രത്തില്‍ ബിജെപിയുടെ ദിണ്ടിഗല്‍ വെസ്റ്റ് ജില്ലാ മേധാവി പളനി കനകരാജിനെ സമരം ചെയ്തതിന് അറസ്റ്റ് ചെയ്തു. ഇതിന് പിന്നില്‍ ഭക്ഷ്യമന്ത്രി ചക്രബര്‍ത്തിയാണ്. അവിടെ പഞ്ചായത്ത് മേധാവിക്കെതിരെ വന്‍ജനകീയ പ്രക്ഷോഭമാണ് പളനി കനകരാജ് നടത്തിയത്. “- അണ്ണാമലൈ പറഞ്ഞു.
“ജയിലില് നിന്നും പറത്തിറങ്ങുന്ന നേതാക്കളെ സ്വീകരിക്കാന്‍ ഞങ്ങള്‍ തയ്യാറാണ്. ഞങ്ങള്‍ കാത്തിരിക്കുകയാണ്. കാത്തിരിക്കുകയാണ്. ഞങ്ങളുടെ സമയം വരാന്‍ കാത്തിരിക്കുകയാണ്. “- അണ്ണാമലൈ ട്വീറ്റ് ചെയ്തു.
പ്രതികരിക്കാൻ ഇവിടെ എഴുതുക: