ന്യൂദല്‍ഹി : കഴിഞ്ഞ രണ്ട് വര്‍ഷമായി റിക്രൂട്ട്‌മെന്റ് നടക്കാത്തതിനാല്‍ യുവാക്കള്‍ക്ക് സേനയില്‍ ചേരാന്‍ അവസരം ലഭിച്ചിരുന്നില്ല. യുവാക്കള്‍ക്ക് പ്രതിരോധ സംവിധാനത്തിന്റെ ഭാഗമാകാനും രാജ്യത്തെ സേവിക്കാനുമുള്ള സുവര്‍ണ്ണാവസരമാണ് അഗ്നിപഥ് പദ്ധതിയെന്ന് പ്രതിരോധമന്ത്രി രാജ്‌നാഥ് സിങ്. അഗ്നിപഥിനെതിരെയുള്ള വ്യാജ പ്രചാരണങ്ങളോട് പ്രതികരിക്കുകയായിരുന്നു അദ്ദേഹം.
യുവാക്കളെ സേനയിലേക്ക് റിക്രൂട്ട് ചെയ്യുന്നതിന്റെ നടപടികള്‍ ഉടനടി ആരംഭിക്കും. ഈ അവസരങ്ങള്‍ പരമാവധി പ്രയോജനപ്പെടുത്തി സൈന്യത്തില്‍ ചേരാന്‍ എല്ലാവരും തയ്യാറെടുക്കണമെന്ന് യുവാക്കളോട് അഭ്യര്‍ത്ഥിക്കുന്നതായും രാജ്‌നാഥ് സിങ് പറഞ്ഞു.
അതിനിടെ നിയമനത്തിന് അപേക്ഷിക്കാനുള്ള ഉയര്‍ന്ന പ്രായപരിധിയില്‍ കേന്ദ്ര സര്‍ക്കാര്‍ ഇളവ് വരുത്തി. പ്രായപരിധി 23 വയസെന്നാക്കിയാണ് പുതുക്കിയത്. എന്നാല്‍ ഇളവ് ഈ വര്‍ഷത്തേക്ക് മാത്രമാണെന്നും മുന്‍ വര്‍ഷങ്ങളേക്കാള്‍ മൂന്നിരട്ടി നിയമനം ഇത്തവണ നടത്തും. പദ്ധതിയെ കുറിച്ചുള്ള പ്രചാരണങ്ങള്‍ തെറ്റാണെന്നും കേന്ദ്ര ആഭ്യന്തരമന്ത്രാലയം അറിയിച്ചു.
പ്രതികരിക്കാൻ ഇവിടെ എഴുതുക: