ന്യൂദല്ഹി: പ്രവാചക നിന്ദയില് ബിജെപി ദേശീയ വക്താവ് നൂപുര് ശര്മക്ക് പിന്തുണയുമായി മുന് ക്രിക്കറ്റ് താരവും എം.പിയുമായ ഗൗതം ഗംഭീര്. വിവാദ പ്രസ്താവനയെ തുടര്ന്ന് നൂപുറിനെതിരെ രാജ്യത്തിനകത്തും പുറത്തും വ്യാപക പ്രതിഷേധം നടന്നിരുന്നു. ‘ലെറ്റ്സ് ടോളറേറ്റ് ഇന്ഡോളറന്സ്’ എന്ന ഹാഷ്ടാഗിലാണ് ഗൗതം ഗംഭീര് പിന്തുണയുമായെത്തിയത്.
വിവാദ പ്രസ്താവനയില് മാപ്പുപറഞ്ഞിട്ടും ഒരു സ്ത്രീക്കെതിരെ രാജ്യത്തുടനീളം നടക്കുന്ന വധഭീഷണികള്ക്കും വിദ്വേഷ പ്രചാരണങ്ങള്ക്കുമെതിരെ മതേതര ലിബറലുകളുടെ നിശ്ശബ്ദത കാതടിപ്പിക്കുന്നതാണ് എന്നായിരുന്നു ഗംഭീറിന്റെ ട്വീറ്റ്. വിവാദ പരാമര്ശം നടത്തിയ നൂപുര് ശര്മയെ ബിജെപി സസ്പെന്ഡ് ചെയ്തിരുന്നു. നേരത്തേ ബിജെപി എം.പി പ്രഗ്യ താക്കൂറും ബോളിവുഡ് നടി കങ്കണ റണാവത്തും നൂപുറിന് പിന്തുണ പ്രഖ്യാപിച്ചിരുന്നു. ഒരു ടെലിവിഷന് ചര്ച്ചക്കിടെയാണ് നൂപുര് ശര്മ പ്രവാചകനെതിരായ പരാമര്ശം നടത്തിയത്.
മെയ് 28 ന് ഗ്യാന്വാപ്പി വിഷയത്തെക്കുറിച്ചുള്ള ചാനല് ചര്ച്ചയിലാണ് നുപുര് ശര്മ്മ പ്രവാചകന് മുഹമ്മദ് നബിയെയും ഭാര്യയെയും വിവാദ പരാമര്ശങ്ങള് നടത്തിയത്.സംഭവത്തില് വിദ്വേഷം പ്രചരിപ്പിച്ചതിനും ആളുകളെ പ്രകോപിപ്പിച്ച് സമാധാനത്തിന് കോട്ടം വരുതിയത്തിനും നുപുര് ശര്മ്മയ്ക്കെതിരെ ദല്ഹി പോലീസ് കേസെടുത്തിട്ടുണ്ട്.
