തിരുവനന്തപുരം: മുഹമ്മദ് നബിയെക്കുറിച്ച് പരാമര്ശം നടത്തിയ മുന് ബിജെപി നേതാള്ക്കെതിരെ മുഖ്യമന്ത്രി പിണറായി വിജയന്. മുസ്ലീം സമൂഹത്തെ അപരവല്ക്കരിക്കുന്ന ഹിന്ദുത്വ വര്ഗീയ രാഷ്ട്രീയം നാടിന്റെ സാമൂഹിക ഭദ്രതയും സാമ്പത്തിക കെട്ടുറപ്പും ഇല്ലാതാക്കുന്നുവെന്ന് പിണറായി ആരോപിച്ചു. പ്രവാചകനെതിരായ അധിക്ഷേപം സംഘപരിവാര് അജണ്ടയുടെ ഭാഗമാണെന്നും മുഖ്യമന്ത്രി പറഞ്ഞു.
ഓരോ പൗരനും അയാള്ക്ക് ഇഷ്ടമുള്ള മതങ്ങളില് വിശ്വസിക്കാനുള്ള അവകാശം നല്കുന്ന നമ്മുടെ ഭരണഘടനയെ അവഗണിക്കുകയാണ്. മറ്റൊരു മതസ്ഥന്റെ വിശ്വാസത്തേയും സംസ്കാരത്തേയും അവഹേളിക്കാനോ നിഷേധിക്കാനോ ഉള്ള അവകാശം ഭരണഘടന ആര്ക്കും നല്കുന്നില്ല. നാടിന്റെ മത നിരപേക്ഷ പാരമ്പര്യത്തെ അപകടപ്പെടുത്തുന്ന നികൃഷ്ട ശ്രമങ്ങള്ക്ക് തടയിടാനും വിദ്വേഷ പ്രചാരകരെ ശിക്ഷിക്കാനും കേന്ദ്ര സര്ക്കാര് നടപടി സ്വീകരിക്കണമെന്നും മുഖ്യമന്ത്രി ആവശ്യപ്പെട്ടു. ഫേസ്ബുക്ക് കുറിപ്പിലൂടെയായിരുന്നു പിണറായി വിജയന്റെ പരാമര്ശം.
സംഭവത്തില് പ്രതികരണവുമായി ഗവര്ണര് ആരിഫ് മുഹമ്മദ് ഖാനും രംഗത്തുവന്നിരുന്നു. പ്രവാചകനെതിരെ നടത്തിയ പരാര്ശത്തില് ഇന്ത്യ മാപ്പു പറയേണ്ടതില്ലെന്നു ഗവര്ണര് ആരിഫ് മുഹമ്മദ് ഖാന് പറഞ്ഞു. ഇന്ത്യ എല്ലാവരെയും ഉള്ക്കൊള്ളുന്ന രാജ്യമാണെന്നും പ്രധാനമന്ത്രിയും ആര്എസ്എസ് തലവനും പലതവണ ഇക്കാര്യം വ്യക്തമാക്കിയിട്ടുണ്ടെന്നും ആരിഫ് മുഹമ്മദ് ഖാന് പറഞ്ഞു. കശ്മീര് വിഷയത്തിലടക്കം പല രാജ്യങ്ങളും പലതും പറയുന്നു, അതൊന്നും ഇന്ത്യയെ ബാധിക്കാറില്ലെന്നും ആരിഫ് മുഹമ്മദ് ഖാന് പറഞ്ഞു.
ആള്ട്ട് ന്യൂസ് എന്ന വെബ്സൈറ്റിന്റെ സഹസ്ഥാപകന് മുഹമ്മദ് സുബൈറാണ് നൂപുര് ശര്മ്മ നബിയെക്കുറിച്ച് പരാമര്ശം നടത്തുന്ന ഭാഗം മാത്രം എഡിറ്റ് ചെയ്ത് സമൂഹമാധ്യമത്തില് പോസ്റ്റ് ചെയ്തത്. 34 മിനിറ്റ് നീണ്ട ചര്ച്ചയുടെ ഒരു മിനിറ്റ് മാത്രം അടര്ത്തിയെടുത്താണ് പ്രകോപനമുണ്ടാക്കുന്ന വീഡിയോ മുഹമ്മദ് സുബൈര് ഉണ്ടാക്കിയത്. ഇത് പോസ്റ്റ് ചെയ്തതോടെ നൂപുര് ശര്മ്മയ്ക്കെതിരെ ബലാത്സംഗ ഭീഷണിയും വധഭീഷണിയും ഉയര്ന്നുവന്നു.
തനിക്ക് എന്തെങ്കിലും സംഭവിച്ചാല് അതിന്റെ പൂര്ണ്ണ ഉത്തരവാദി ആള്ട്ട് ന്യൂസിന്റെ മുഹമ്മദ് സുബൈറാണെന്ന് നൂപുര് ശര്മ്മ പ്രഖ്യാപിച്ചിരുന്നു. നൂപുറിനെ കൊല്ലുന്നവര്ക്ക് ഒരു കോടി രൂപ പാരിതോഷികം പ്രഖ്യാപിച്ച എഐഎംഐഎം (ഇന്ക്വിലാബ്) നേതാവ് ഖ്വാസി അബ്ബാസിന്റെ നടപടിയും അക്രമകാരികളെ പ്രകോപിച്ചിരുന്നു.
