ആദിവി ശേഷ് നായകനായ മേജര് സിനിമയെ അഭിനന്ദിച്ച് നടന് അല്ലു അര്ജുന്. ഓരോ ഇന്ത്യക്കാരന്റെയും ഹൃദയത്തില് തൊടുന്ന സിനിമയാണിതെന്നും അദ്ദേഹം ട്വീറ്റ് ചെയ്തു.
പതിനാല് വര്ഷങ്ങള്ക്ക് മുന്പ് ഉണ്ടായ മുംബൈ ഭീകരാക്രമണത്തില് കൊല്ലപ്പെട്ട മേജര് സന്ദീപ് ഉണ്ണികൃഷ്ണന്റെ ധീരമായ ജീവിത കഥയാണ് ‘മേജര്’ പറയുന്നത്. ആദിവി ശേഷ് തന്റെ മാജിക്ക് ഒരിക്കല്ക്കൂടി ആവര്ത്തിച്ചു. പ്രകാശ് രാജ്, രേവതി, ശോഭിത ധുലിപാല തുടങ്ങി എല്ലാ താരങ്ങളും നന്നായി പിന്തുണച്ചുവെന്നും അദ്ദേഹം പറഞ്ഞു. ഇതുപോലൊരു ചിത്രം നിര്മിക്കാന് തയ്യാറായതിന് നിര്മാതാവും നടനുമായ മഹേഷ് ബാബുവിന് വ്യക്തിപരമായി അഭിനന്ദിക്കുന്നുവെന്നും അല്ലു അര്ജുന് കുറിച്ചു.
ആദിവി ശേഷ് ആണ് സന്ദീപ് ഉണ്ണികൃഷ്ണന്റെ കഥാപാത്രത്തെ അവതരിപ്പിക്കുന്നത്. ശശി കിരണ് ടിക്കയാണ് സംവിധാനം. നടന് മഹേഷ് ബാബുവിന്റെ ഉടമസ്ഥതയിലുള്ള ജി മഹേഷ് ബാബു എന്റര്ടെയ്ന്മെന്റ്സും സോണി പിക്ചേഴ്സ് ഇന്റര്നാഷണല് പ്രൊഡക്ഷന്സും എ + എസ് മൂവീസും ചേര്ന്നാണ് നിര്മാണം.
വലിയ പ്രേക്ഷക പ്രതികരണമാണ് ചിത്രത്തിന് ആദ്യ ദിവസം തന്നെ ലഭിച്ചത്. കണ്ടവര് എല്ലാവരും കരഞ്ഞു കൊണ്ടാണ് തീയേറ്റര് വിടുന്നത്. കലാസാംസ്കാരിക രംഗത്തെ പ്രമുഖര് സിനിമയെ കയ്യടിയോടെ സ്വീകരിക്കുകയും ചെയ്തു. 25 കോടി രൂപയാണ് ചിത്രം റിലീസ് ചെയ്ത് രണ്ടുദിവസംകൊണ്ട് ആഗോളതലത്തില് സ്വന്തമാക്കിയത്.
