മൂന്നാറിന്റെ പ്രകൃതി രമണീയതയില്‍ ഒരു ത്രില്ലര്‍ ചിത്രം ഒരുങ്ങുന്നു. സില്‍വര്‍ സ്‌കൈ പ്രൊഡക്ഷന്‍സിനു വേണ്ടി കഥ, തിരക്കഥ, മെഹമൂദ് കെ.എസ്. സംവിധാനം ചെയ്യുന്ന ലൗ റിവഞ്ച് എന്ന ചിത്രം ശക്തമായൊരു ത്രില്ലര്‍ ചിത്രമായാണ് ചിത്രീകരിക്കുന്നത്. മൂന്നാറില്‍ പൂര്‍ത്തിയായ ഈ ചിത്രം ഉടന്‍ തീയേറ്ററിലെത്തും.
മൂന്നാര്‍ നിവാസിയായ ഒരു എഞ്ചിനീയറുടെ മകളായ അനാമികയും, കളിക്കൂട്ടുകാരനായ സേതുവിന്റേയും കഥയാണ് ലൗ റിവഞ്ച് എന്ന ചിത്രം അവതരിപ്പിക്കുന്നത്. മൂന്നാറിന്റെ ശാന്തതയില്‍ ജീവിച്ച എഞ്ചിനീയറും, അനാമികയും,പെട്ടന്ന് മൂന്നാറില്‍ നിന്ന് തിരുവനന്തപുരത്തേക്ക് താമസം മാറി പോയി. പക്ഷേ, സേതു അനാമികയെ മറന്നില്ല. വര്‍ഷങ്ങള്‍ക്ക് ശേഷം അനാമികയും, പപ്പയും മൂന്നാറിലേക്ക് തിരിച്ചു വന്നു. വീണ്ടും സേതുവും, അനാമികയും ഒന്നിച്ചു.
അപ്പോഴേക്കും സേതു വളരെ മാറിയിരുന്നു. അവന്‍ ആത്മാര്‍ത്ഥമായി വിശ്വസിച്ച പലരും അവനെ ചതിച്ചു.അതോടെ അവനൊരു സൈക്കോ ആയി മാറുകയായിരുന്നു .സേതുവിന്റെ കൊലപാതക കഥകള്‍ കേട്ട് നാട് ഞടുങ്ങി.പോലീസ് അവനെ കുടുക്കാന്‍ കെണികള്‍ ഒരുക്കി കാത്തിരുന്നു.പ്രണയം, കോമഡി, ആക്ഷന്‍ എന്നിവയ്‌ക്ക് പ്രാധാന്യം നല്‍കി ചിത്രീകരിക്കുന്ന വ്യത്യസ്തമായ ത്രില്ലര്‍ ചിത്രമാണ് ലൗ റിവഞ്ചു്. ചിത്രീകരണം പൂര്‍ത്തിയായ ഈ ചിത്രം ഉടന്‍ തീയേറ്ററിലെത്തും.
സില്‍വര്‍ സ്‌കൈ പ്രൊഡക്ഷന്‍സിനുവേണ്ടി, കുര്യാക്കോസ്, ജിവാനിയോസ് പുല്ലന്‍ എന്നിവര്‍ നിര്‍മ്മിക്കുന്ന ചിത്രത്തില്‍ ഷെട്ടി മണിയാണ് ക്യാമറ, സംഭാഷണം- സുനില്‍ പുല്ലോട്, ഷിബു പുല്ലോട്, എഡിറ്റര്‍ – ഷാന്‍, എഫക്‌സ് – ആഷിഷ് ഇല്ലിക്കല്‍, ലെയ്‌സണ്‍ ഓഫീസര്‍ – സെബി ഞാറക്കല്‍, സ്റ്റില്‍ – ഷാബു പോള്‍, പി.ആര്‍.ഒ- അയ്മനം സാജന്‍.
ബോബല്‍ ആലുംമൂടന്‍, അജിത് നായര്‍, ജിവാനിയോസ്, ബിനു അടിമാലി,ആന്‍സി വര്‍ഗീസ്, നിമിഷ ബിജോ, ജോസ് കുട്ടി പാല, ശ്രീപതി, ശിവന്‍ ദാസ് ,എലികുളം ജയകുമാര്‍, റെജി മൂസദ്, ഷെറിന്‍, ഗ്രേഷ്യ അരുണ്‍, അര്‍ജുന്‍ ദേവരാജ്, ആര്‍.കെ.മാമല, ജസി, ബേബി അതിഥി ശിവകുമാര്‍ ,മാസ്റ്റര്‍ ഗാവിന്‍ ഗയജീവ, സൂര്യ എന്നിവര്‍ അഭിനയിക്കുന്നു.
പ്രതികരിക്കാൻ ഇവിടെ എഴുതുക: