ശ്രീനഗര് : ജമ്മുകശ്മീരിലെ ഷോപ്പിയാനില് സൈന്യത്തിന്റെ വാഹനത്തിന് നേരെ ആക്രമണം മൂന്ന് സൈനികര്ക്ക് പരിക്ക്. സൈനികര് സ്വകാര്യ വാഹനത്തില് സഞ്ചരിക്കുന്നതിനിടെയാണ് സ്ഫോടനം ഉണ്ടായത്. സംഭവത്തില് അന്വേഷണം ആരംഭിച്ചതായി കശ്മീര് പോലീസ് ഇന്സ്പെക്ടര് ജനറല് വിജയ് കുമാര് അറിയിച്ചു.
ഗ്രനേഡ് അല്ലെങ്കില് ഉഗ്ര സ്ഫോടക വസ്തുക്കള് ഉപയോഗിച്ചാണ് ആക്രമണം നടന്നിട്ടുള്ളതെന്നാണ് സൂചന. ഇക്കാര്യത്തില് വിശദമായ അന്വേഷണം നടന്നു വരികയാണ്. പരിക്കേറ്റ സൈനികരെ ആശുപത്രിയില് എത്തിച്ചു. ആക്രമണത്തില് ഇവര് സഞ്ചരിച്ച വാഹനത്തിന് സാരമായ കേടുപാടുകള് സംഭവിച്ചിട്ടുണ്ട്.
കശ്മീര് താഴ്വരയില് ഒരു വര്ഷത്തിനിടെ 16 ആസൂത്രിത കൊലപാതകങ്ങളാണ് നടന്നിട്ടുണ്ട്. അധ്യാപകര്, പോലീസ് ഉദ്യോഗസ്ഥര്, ഗ്രാമത്തലവന്മാര് ഉള്പ്പടെയുള്ളവരാണ് ഇത്തരത്തില് കൊല്ലപ്പെട്ടത്. പ്രദേശവാസികളെ ഭയപ്പെടുത്താനുള്ള ശ്രമമാണ് ഭീകരര് നടത്തുന്നതെന്ന് ജമ്മു കശ്മീര് ഡിജിപി ദില്ബാഗ് സിങ് അറിയിച്ചു.
