കൊല്ക്കത്ത: പ്രശസ്ത ഗായകന് കെ കെ എന്ന കൃഷ്ണകുമാര് കുന്നത്ത് അന്തരിച്ചു. ഇന്നലെ രാത്രി കൊല്ക്കത്തയിലെ നസ്റുല് മഞ്ച ഓഡിറ്റോറിയത്തിലെ സംഗീത പരിപാടിക്ക് ശേഷമാണ് അന്ത്യം. രാത്രി കെ.കെ താമസിച്ചിരുന്ന ഹോട്ടലിന്റെ ഗോവണിപ്പടിയില് കുഴഞ്ഞു വീഴുന്നതിനെ തുടര്ന്ന് തെക്കന് കൊല്ക്കത്തയിലെ സ്വകാര്യ ആശുപത്രിയില് എത്തിച്ചെങ്ങിലും അദേഹം മരിച്ചിരുന്നു.
ഹൃദയാഘാതത്തെ തുടര്ന്നാണ് 53 കാരന് മരിച്ചത്തെന്ന് ആശുപത്രി വൃത്തങ്ങള് അറിയിച്ചു. കഴിഞ്ഞ ദിവസം അദ്ദേഹത്തിന് രണ്ട് ഷോകള് ഉണ്ടായിരുന്നു. കെ കെയുടെ ഔദ്യോഗിക ഇന്സ്റ്റാഗ്രാം അക്കൗണ്ടില് 19 മണിക്കൂര് മുമ്പ് കൊല്ക്കത്ത ഓഡിറ്റോറിയത്തില് നടന്ന സംഗീത പരിപാടിയുടെ ചിത്രങ്ങള് പോസ്റ്റ് ചെയ്തിട്ടുണ്ട്. ബോളിവുഡില് തൊന്നൂറുകളില് തരംഗമായ ഗാനങ്ങളില് ഭൂരിഭാഗവും കെകെയുടെതാണ്. ഹിന്ദിയുള്പ്പെടെ പത്തു ഭാഷകളില് അദേഹം പാടിയിട്ടുണ്ട്. കെകെയുടെ നിര്യാണത്തില് പ്രധാനമന്ത്രി നരേന്ദ്രമോദി അനുശോചനം അറിയിച്ചു.
