ശ്രീനഗര്‍: ലഡാക് സെക്ടറിലെ തുര്‍തുക്ക് മേഖലയില്‍ സൈനിക വാഹനം അപകടത്തില്‍പ്പെട്ട് ഏഴ് സൈനികര്‍ മരിച്ചു. 26 സൈനികരുമായി സഞ്ചരിച്ചിരുന്ന ബസ് റോഡില്‍ നിന്ന് തെന്നി ഷിയോക് നദിയിലേക്ക് വീഴുകയായിരുന്നു. വാഹനത്തിലുള്ളവര്‍ എല്ലാം നദിയിലേക്ക് പതിച്ചു. ഗുരുതരമായി പരിക്കേറ്റവരെ വെസ്‌റ്റേണ്‍ കമാന്‍ഡിലേക്ക് മാറ്റി.
പര്‍താപൂരില്‍ നിന്ന് ഫോര്‍വേഡ് ലൊക്കേഷനായ സബ് സെക്ടര്‍ ഹനീഫിലേക്ക് പോകുമ്പോഴാണ് അപകടം ഉണ്ടായത്. വെള്ളിയാഴ്ച രാവിലെ ഒന്‍പതിനാണു സംഭവം. 26 സൈനികരാണു വാഹനത്തിലുണ്ടായിരുന്നത്. ഇതില്‍ ചിലര്‍ക്ക് ഗുരുതര പരുക്കേറ്റിട്ടുണ്ട്. റോഡില്‍നിന്നു തെന്നിമാറിയ വാഹനം ഏകദേശം 5060 അടി താഴ്ചയിലേക്കാണ് വീണതെന്ന് സൈന്യം വ്യക്തമാക്കി.
അപകടത്തിന് പിന്നാലെ 26 സൈനികരെയും ആര്‍മി ഫീല്‍ഡ് ആശുപത്രിയിലേയ്‌ക്ക് മാറ്റിയിരുന്നു. ലേയില്‍ നിന്നുള്ള ശസ്ത്രക്രിയാ സംഘങ്ങള്‍ പര്‍താപൂരിലേക്ക് തിരിച്ചിട്ടുണ്ട്. ആശുപത്രിയിലെത്തിച്ചെങ്കിലും ഏഴ് സൈനികരുടെ ജീവന്‍ രക്ഷിക്കാനായില്ലെന്നും പരിക്കേറ്റവര്‍ക്ക് മികച്ച വൈദ്യസഹായം ഉറപ്പാക്കാനുള്ള ശ്രമങ്ങള്‍ തുടരുകയാണെന്നും സൈന്യം അറിയിച്ചു
പ്രതികരിക്കാൻ ഇവിടെ എഴുതുക: