ആലപ്പുഴ: ലോക്കല്‍ സമ്മേളന പോസ്റ്ററില്‍ നേതാക്കളുടെ ചിത്രത്തിന് പകരം ഛത്രപതി ശിവജിയുടെ ചിത്രം പതിച്ച് സിപിഐ. മാവേലിക്കര തെക്കേക്കര ലോക്കല്‍ സമ്മേളന പോസ്റ്ററിലാണ് മറാത്ത ഹിന്ദു സാമ്രാജ്യ സ്ഥാപകന്റെ ചിത്രം ഉപയോഗിച്ചിരിക്കുന്നത്. പോസ്റ്റര്‍ ഇതിനോടകം സാമൂഹ്യമാധ്യമങ്ങളില്‍ ചര്‍ച്ചയായിരിക്കുകയാണ്.
ഈ മാസം 29 നാണ് ലോക്കല്‍ സമ്മേളനം. സിപിഐ സംസ്ഥാന സമിതി അംഗം അഡ്വ. കെഎസ് രവിയാണ് ഉദ്ഘാടനം ചെയ്യുന്നത്. ഇതിന്റെ പ്രചരണ ഭാഗമായാണ് പോസ്റ്ററുകള്‍ പതിച്ചിരിക്കുന്നത്.
ഇടതുപക്ഷത്തിന് നിര്‍ണായക സ്വാധീനമുള്ള പ്രദേശമാണ് തെക്കേക്കര. 19 അംഗ പഞ്ചായത്തില്‍ 14 സീറ്റിലും ഇടതുപക്ഷമാണ് ഭരിക്കുന്നത്. ഭരണ കക്ഷിയില്‍ സിപിഎമ്മിന് 14 സീറ്റും സിപിഐയ്‌ക്ക് രണ്ടുസീറ്റുമാണുള്ളത്. ബിജെപിക്ക് പഞ്ചായത്തില്‍ രണ്ട് അംഗങ്ങളുണ്ട്.
പ്രതികരിക്കാൻ ഇവിടെ എഴുതുക: