ബെയ്ജിങ്: അമേരിക്കയ്‌ക്ക് കടുത്ത മുന്നറിയിപ്പുമായി ചൈന. അമേരിക്കന്‍ പ്രസിഡന്റ് ജോ ബൈഡന്‍ കഴിഞ്ഞ ദിവസം നടത്തിയ പ്രസ്ഥാവനത്തിന് എതിരെയാണ് ചൈന പ്രതികരിച്ചത്. ഇന്നലെ ക്വാഡ് സഖ്യത്തിന്റെ യോഗത്തില്‍ ചൈന തായ്വാനെതിരെ നടത്തുന്ന സൈനിക നീക്കത്തിനെ നേരിടാന്‍ മടിക്കില്ലൊയിരുന്നു ബൈഡന്റ വാക്കുകള്‍.
തായ്വാന് തങ്ങളുടെ സുഹൃദ് രാജ്യമാണ്. പസഫിക്കില്‍ ചൈന തായ്വാന് നേരെ നടത്തുന്നത് കടുത്ത സൈനിക സമ്മര്‍ദ്ദമാണ്. കഴിഞ്ഞ രണ്ടുവര്‍ഷമായി നടത്തുന്ന എല്ലാ നീക്കങ്ങളും നിരീക്ഷിക്കുകയാണ്. തായ്വാന് വേണ്ട സുരക്ഷ ഒരുക്കുന്നതില്‍ തങ്ങള്‍ എന്നും പ്രതിജ്ഞാബദ്ധവുമാണെന്ന് അമേരിക്കന്‍ പ്രസിഡന്റ് ജോ ബൈഡന്‍ ഇന്നലെ ചൈനയ്‌ക്ക് മുന്നറിയിപ്പ് നല്‍കിയിരുന്നു.
‘തങ്ങളുടെ അഖണ്ഡതയ്‌ക്ക് നേരെ വരുന്ന ഏതു ശക്തിയേയും നേരിടും. തങ്ങളുടെ ശക്തിയെ കുറച്ചുകാണരുത്. പസഫിക്കിലെ സൈനിക നീക്കം തങ്ങള്‍ക്കെതിരാണ്. അതിനെ അതേ നാണയത്തില്‍ നേരിടും.’ ചൈനീസ് വിദേശകാര്യവകുപ്പ് വക്താവ് വാങ്ക് വെന്‍ബിന്‍ പറഞ്ഞു.
നേരത്തെ ടോക്കിയോയില്‍ നടന്ന പത്രസമ്മേളനത്തില്‍ ചൈന ആക്രമിച്ചാല്‍ തായ്വാനെ സൈനികമായി യുഎസ് പ്രതിരോധിക്കുമോ എന്ന് ചോദിച്ചിരുന്നു? അതെ എന്നും ബൈഡന്‍ പറഞ്ഞിരുന്നു. അതിനുള്ള പറുപടിയായിട്ടാണ് ഇപ്പോള്‍ ചൈന രംഗത്തെതിയത്. തായ് വാന്‍ അതിര്‍ത്തിയിലേക്ക് ചൈന സൈനിക മുന്നേറ്റം ശക്തമാക്കുന്ന ഉപഗ്രഹചിത്രങ്ങളും പുറത്തുവന്നതോടെ പസഫിക്കിലെ അമേരിക്കന്‍ സൈനിക വിഭാഗം ജാഗ്രതയിലാണ്.
നിലവില്‍ ചൈന തായ്വാനെ ഒരു റിഗേഡ് പ്രവിശ്യയായാണ് കാണുന്നത്. ആവശ്യമെങ്കില്‍ ബലപ്രയോഗത്തിലൂടെ ചൈനയുടെ പ്രധാന ഭൂപ്രദേശവുമായി തായ്വാനെ ഏകികരിക്കാനാണ് ചൈന പദ്ധതിയിട്ടിരുന്നത്. ചൈനീസ് കമ്മ്യൂണിസ്റ്റ് പാര്‍ട്ടിക്കുള്ളില്‍ നടത്തിയ യുദ്ധതന്ത്രം സംബന്ധിച്ചുള്ള ചര്‍ച്ചകളുടെ ഓഡിയോ ക്ലിപ്പും പുറത്തുവന്നിട്ടുണ്ട്.
പ്രതികരിക്കാൻ ഇവിടെ എഴുതുക: