സര്‍ക്കാര്‍ ജോലിയില്ലാത്തതിന്റെ പേരില്‍ പെണ്ണ് കിട്ടാന്‍ ബുദ്ധിമുട്ടുന്ന ഒരു കൂട്ടം ചെറുപ്പക്കാരുടെ കഥ പറയുന്ന ഒരപാര കല്യാണവിശേഷം എന്ന ചിത്രത്തിന്റെ ടൈറ്റില്‍ പ്രകാശനം സംവിധായകന്‍ സിദ്ദിഖ് എറണാകുളത്ത് നിര്‍വ്വഹിച്ചു. ചിത്രത്തിന്റെ അണിയറ പ്രവര്‍ത്തകര്‍ ചടങ്ങില്‍ പങ്കെടുത്തു.
കൂത്തുപറമ്പ്, കോളയാട് പ്രദേശക്കാരായ ഒരു കൂട്ടം ചെറുപ്പക്കാരുടെ കൂട്ടായ്മയില്‍ ചിത്രീകരണം പൂര്‍ത്തിയായ ഈ ചിത്രം ജൂണ്‍ മാസം പ്രദര്‍ശനത്തിനെത്തും. സ്‌ക്രീന്‍ വ്യൂ പ്രൊഡക്ഷന്‍സിനുവേണ്ടി അജയന്‍ വടക്കയില്‍, മനോജ് ശബരി, സജേഷ് വാകേരി എന്നിവര്‍ ചേര്‍ന്ന് നിര്‍മ്മിക്കുന്ന ഒരപാര കല്യാണവിശേഷം അനീഷ് പുത്തന്‍പുര തിരക്കഥയും, സംവിധാനവും നിര്‍വഹിക്കുന്നു. കഥ – സുനോജ്, ഛായാഗ്രഹണം- ഷമീര്‍ ജിബ്രാന്‍, എഡിറ്റര്‍ – പി.സി.മോഹനന്‍, സംഗീതം -ഹരികുമാര്‍ ഹരേറാം, ഗാനരചന – പ്രേംദാസ് ഇരുവല്ലൂര്‍, പ്രെമോദ് വെള്ളച്ചാല്‍, പിആര്‍ഒ- അയ്മനം സാജന്‍.
ഭഗത് മാനുവല്‍, കൈലാഷ്, അഷ്‌ക്കര്‍ സൗദാന്‍, ശിവാനി ഭായ്, ഭീമന്‍ രഘു, സന്തോഷ് കീഴാറ്റൂര്‍, ശിവജി ഗുരുവായൂര്‍, ശശി കലിംഗ, ശിവദാസ് മട്ടന്നൂര്‍, ഉല്ലാസ് പന്തളം, നസീര്‍ സംക്രാന്തി, സോമന്‍ ശേഖരന്‍, ശിവദാസ് മാറമ്പിള്ളി, ചന്ദ്രമോഹന്‍, കണ്ണൂര്‍ ശ്രീലത, രശ്മി അനില്‍, വത്സല മടിക്കൈ എന്നിവര്‍ അഭിനയിക്കുന്നു.
പ്രതികരിക്കാൻ ഇവിടെ എഴുതുക: