തിരുവനന്തപുരം: കേരളത്തില്‍ വിവിധ സ്ഥലങ്ങളില്‍ അതീതീവ്ര മഴക്ക് സാധ്യതയെന്ന് സര്‍ക്കാര്‍ അറിയിച്ചു. ഇതേതുടര്‍ന്ന് കോഴിക്കോട് , വയനാട്, കണ്ണൂര്‍, കാസര്‍കോട് ജില്ലകളില്‍ റെഡ് അലര്‍ട്ട് പ്രഖ്യാപ്പിച്ചു. അതേസമയം തൃശ്ശൂര്‍, പാലക്കാട്, മലപ്പുറം ജില്ലകളില്‍ ഓറഞ്ച് അലര്‍ട്ട് തുടരും.
മഴ തുടരുന്ന സാഹചര്യത്തില്‍ മുന്നൊരുക്കങ്ങള്‍ നടത്താന്‍ മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന യോഗത്തില്‍ ദുരന്ത സാധ്യത മേഖലകളുടെ പട്ടിക തയാറാക്കാന്‍ തദ്ദേശ സ്ഥാപനങ്ങള്‍ക്ക് നിര്‍ദേശം നല്‍കി. പട്ടിക പോലീസിനും ഫയര്‍ഫോഴ്‌സിനും ദുരന്ത നിവാരണ അതോറിറ്റിക്കും കൈമാറണം.
നദികളില്‍ എക്കല്‍ അടിഞ്ഞ് കൂടി ഒഴുക്ക് തടസപ്പെടുന്നില്ലെന്ന് ജലവിഭവ വകുപ്പ് ഉറപ്പാക്കണം. മഴയുടെ ശക്തി വര്‍ധിക്കുന്നതിനാല്‍ ആവശ്യമായ ഇടങ്ങളില്‍ ഉടന്‍ ക്യാമ്പുകള്‍ ആരംഭിക്കണമെന്നും നിര്‍ദേശിച്ചു. കഴിഞ്ഞ 12 മണിക്കൂറില്‍ കണ്ണൂര്‍ ചെറുത്താഴത്ത് 213 മില്ലീമീറ്റര്‍ മഴ ആണ് രേഖപ്പെടുത്തിയത് ഇതിനിടെ കടലില്‍ പോകരുതെന്ന നിര്‍ദേശം ലംഘിച്ച് കടലില്‍ പോയ മൂന്നു മത്സ്യ തൊഴിലാളികള്‍ കടലില്‍ കുടുങ്ങി.
പ്രതികരിക്കാൻ ഇവിടെ എഴുതുക: