മലപ്പുറം: പത്തുവയസുകാരിയെ പീഡിപ്പിച്ച മദ്രസ അധ്യാപകതനെ പോലീസ് അറസ്റ്റുചെയ്തു. പെരിന്തല്‍മണ്ണ താഴേക്കോട് കാപ്പുപറമ്പ് കോടമ്പി മുഹമ്മദ് ആഷിഖ് (38) ആണ് പിടിയിലായത്. നാല് വര്‍ഷം മുന്‍പുള്ള സംഭവത്തിനാണ് പോലീസ് കേസെടുത്ത് അറസ്റ്റ് ചെയ്തിരിക്കുന്നത്.
മദ്രസ പഠനത്തിന്റെ ഭാഗമായുള്ള പരീക്ഷ എഴുതാന്‍ പ്രതിയുടെ വീട്ടില്‍ താമസിച്ചിരുന്ന പെണ്‍കുട്ടിയെ പല ദിവസങ്ങളിലായി പീഡിപ്പിച്ചതായാണ് കേസ്. ഇരയുടെ സഹോദരിയെയും പ്രതി പീഡിപ്പിച്ചതായി പരാതിയുണ്ട്.
മണ്ണാര്‍ക്കാട് പൊലീസ് രജിസ്റ്റര്‍ചെയ്ത കേസ് അടുത്തിടെ പെരിന്തല്‍മണ്ണയിലേക്ക് മാറ്റിയിരുന്നു. തുടര്‍ന്നുള്ള അന്വേഷണത്തില്‍ കാപ്പുപറമ്പിലെ വീട്ടില്‍നിന്നാണ് പ്രതിയെ അറസ്റ്റുചെയ്തത്. പെരിന്തല്‍മണ്ണ എസ്‌ഐ സി കെ നൗഷാദിന്റെ നേതൃത്വത്തിലുളള സംഘമാണ് പ്രതിയെ അറസ്റ്റുചെയ്തത്.
കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക