ബെംഗളൂരു: കന്നഡ ചാനല് താരം ചേതന രാജ്(21) അന്തരിച്ചു.ഗീത, ദൊരെസാനി തുടങ്ങി സീരിയലുകളില് പ്രധാനകഥാപാത്രത്തെ അവതരിപ്പിച്ചിരുന്നു. തിങ്കളാഴ്ച്ച രാവിലെ രാജാജിനഗറിലെ ഷെട്ടി കോസ്മെറ്റിക് സെന്ററിലാണ് ചേതന പ്ലാസ്റ്റിക് സര്ജറിക്കായി എത്തിയത്.ശരീരത്തിലെ ഫാറ്റ് ഫ്രീ ശസ്ത്രക്രിയയ്ക്് വേണ്ടിയായിരുന്നു . ആരോഗ്യനില വഷളായതോടെ ഖാഡെ ആശുപത്രിയിലേക്ക് മാറ്റി.45 മിനിറ്റോളം സിപിആര് കൊടുത്തിട്ടും നടിയുടെ ശരീരം പ്രതികരിച്ചില്ല.ഇന്നലെ വൈക്ിട്ട് 6.45ന് മരണം സ്ഥിരികരിച്ചു.
ശ്വാസകോശത്തില് ദ്രവമിറങ്ങിയതിനാല് ശ്വാസതടസം അനുഭവപ്പെട്ടതോടെ സ്ഥിതി ഗുരുതരമായതാണ് മരണകാരണമായി ഡോക്ടര്മാര് പറയുന്നത്.ഹൃദാഘാതം ഉണ്ടായ രോഗിയ്ക്ക് നല്കേണ്ട ചികിത്സകള് നടിയ്ക്ക് നല്കണമെന്ന് കോസ്മറ്റിക് സെന്ററിലെ ജീവനക്കാര് ഡോക്ടര്മാരെ ഭീഷണിപ്പെടുത്തിയെന്ന് ആരോപിക്കുന്നു. ശസ്ത്രക്രിയ നടന്നതിന്റെ വിവരം മാതാപിതാക്കള് അറിഞ്ഞിരുന്നില്ല, സുഹൃത്തുക്കള്ക്കൊപ്പമാണ് എത്തിത്. ആശുപത്രിയുടെ അനാസ്ഥമൂലമാണ് ചേതന മരിച്ചതെന്ന് ബന്ധുക്കള് ആരോപിച്ചു. മാതാപിതാക്കള് പോലീസില് പരാതിപ്പെട്ടിട്ടുണ്ട്.
