തിരുവനന്തപുരം: ചാനലുകളില് സിപിഎമ്മിനെ ന്യായീകരിക്കുന്ന മാധ്യമപ്രവര്ത്തകരുടെ ഭാര്യമാര്ക്ക് സര്വ്വകലാശാലകളില് പിന്വാതില് നിയമനം. യോഗ്യരായവരെ തഴഞ്ഞാണ് മാതൃഭൂമി ന്യൂസിലെയും ന്യൂസ് 18 കേരളയിലെയും മാധ്യമപ്രവര്ത്തകരുടെ ഭാര്യമാരെ യൂണിവേഴ്സിറ്റികളില് നിയമിക്കാന് നീക്കങ്ങളെന്നാണ് ആരോപണം ഉയരുന്നത്.
ന്യൂസ് 18 കേരളയിലെ മാധ്യമപ്രവര്ത്തകന്റെ ഭാര്യയെ എ.പി.ജെ. അബ്ദുള് കലാം ടെക്നിക്കല് സര്വ്വകലാശാലയിലും അടുത്തിടെ മാതൃഭൂമി ന്യൂസിലേക്ക് എത്തിയ മാധ്യമപ്രവര്ത്തകന്റെ ഭാര്യയെ കുസാറ്റിലും നിയമിക്കാനാണ് ശ്രമം.
രണ്ടു മാസം മുമ്പാണ് എ.പി.ജെ. അബ്ദുള് കലാം ടെക്നിക്കല് സര്വ്വകലാശാല പിആര്ഒമാരെ വിളിച്ചത്. ഈ തസ്തികളിലേക്ക് നിരവധി അപേക്ഷകളാണ് എത്തിയിരുന്നത്. സര്വ്വകലാശാല നടത്തിയ പരീക്ഷയില് ജയിച്ച 15 പേരെ കഴിഞ്ഞ ദിവസം അഭിമുഖത്തിന് ക്ഷണിച്ചിരുന്നു. ഇതില് അഞ്ചു പേര് മാത്രമാണ് അഭിമുഖത്തിന് എത്തിയത്. പിറ്റേദിവസം ന്യൂസ് 18 മലയാളത്തിലെ മാധ്യമപ്രവര്ത്തകന്റെ ഭാര്യക്ക് മാത്രമായി സര്വ്വകലാശാല സ്പെഷല് അഭിമുഖം നടത്തി. ഇതിനെതിരെ സര്വ്വകലാശാലയില്ത്തന്നെ എതിര്പ്പ് ഉയര്ന്നിട്ടുണ്ട്.
