ആലപ്പുഴ: കേരളത്തില്‍ ലൗ ജിഹാദുണ്ടെന്ന് എസ്എന്‍ഡിപി ജനറല്‍ സെക്രട്ടറി വെള്ളാപ്പള്ളി നടേശന്‍. ലൗ ജിഹാദ് യാഥാര്‍ത്ഥ്യമാണ്. കേരളത്തില്‍ ആസൂത്രിത മതപരിവര്‍ത്തനം നടക്കുന്നു. കുടുംബത്തോടെ മതംമാറ്റുന്ന സംഭവങ്ങളും കേരളത്തില്‍ ഉണ്ടായിട്ടുണ്ടെന്ന് വെള്ളാപ്പള്ളി പറഞ്ഞു.
പട്ടിക ജാതി വിഭാഗത്തിലുള്ളവരാണ് ആസൂത്രിത മതപരിവര്‍ത്തനത്തിന് ഇരയാകുന്നതെന്നും അദേഹം പറഞ്ഞു. തൃക്കാക്കരയിലെ എന്‍ഡിഎ സ്ഥാനാര്‍ത്ഥി എഎന്‍ രാധാകൃഷ്ണനുമായുള്ള കൂടിക്കാഴ്ചയ്‌ക്ക് ശേഷം മാധ്യമങ്ങളോട് സംസാരിക്കുകയായിരുന്നു വെള്ളാപ്പള്ളി.
തൃക്കാക്കരയിലെ എന്‍ഡിഎ സ്ഥാനാര്‍ത്ഥി എഎന്‍ രാധാകൃഷ്ണന്‍ ഇന്ന് ഇടപ്പള്ളി ഗണപതി ക്ഷേത്ര ദര്‍ശനത്തിന് ശേഷം തെരെഞ്ഞെടുപ്പ് പ്രചാരണത്തിന് തുടക്കം കുറിച്ചു. ക്ഷേത്ര ദര്‍ശനത്തിന് ശേഷം ഇടപ്പള്ളി കൊട്ടാരം വലിയ രാജ അഡ്വ ശങ്കര രാജ, ക്ഷേത്രം ട്രസ്റ്റി ശ്രീ ദാമോദര രാജ എന്നിവരെ സന്ദര്‍ശിച്ചു.
Â
പ്രതികരിക്കാൻ ഇവിടെ എഴുതുക: