ജാപ്പനീസ് ഓട്ടോമൊബൈല്‍ ഗ്രൂപ്പായ നിസാന്റെ ഏറ്റവും ശ്രദ്ധേയമായ കാര്‍ ബ്രാന്‍ഡായ ഡാറ്റ്‌സന്‍ പൂര്‍ണമായും ഇലക്ട്രികിലേക്ക് മാറുന്നു. ഇവി വിപണി ലക്ഷ്യമിട്ടാണ് ഡാറ്റ്‌സന്റെ പുതിയ മാറ്റമെന്ന് റിപ്പോര്‍ട്ടുകള്‍ പറയുന്നു. ഇന്ത്യന്‍ വാഹന വിപണിയില്‍ ഡാറ്റ്‌സന്‍ നിര്‍ത്തലാക്കുന്നതായി നിസ്സാന്‍ പ്രഖ്യാപിച്ചതിന് തൊട്ടുപിന്നാലെയാണ് ഈ റിപ്പോര്‍ട്ട്.
പ്രായോഗികവും താങ്ങാനാവുന്നതുമായ കാറുകള്‍ പുറത്തിറക്കിയിട്ടും ഇന്ത്യന്‍ വിപണിയില്‍ പ്രതീക്ഷിച്ച വില്‍പ്പന കണക്കുകള്‍ നേടാന്‍ നിസ്സാനിന് കഴിഞ്ഞില്ല. ഇതാണ് ഇവരെ പിന്‍വലിക്കാന്‍ പ്രേരിപ്പിച്ചത്. സമീപ ഭാവിയില്‍ ഒരു ബജറ്റ് ഫ്രണ്ടലി ഇലക്ട്രിക് കാര്‍ ബ്രാന്‍ഡായി ഡാറ്റ്‌സനെ പുനരുജ്ജീവിപ്പിക്കാനുള്ള ചര്‍ച്ചകളുടെ പ്രാരംഭ ഘട്ടത്തിലാണ് നിസ്സാന്‍.
നിസാന്റെ ആഗോള പരിവര്‍ത്തന തന്ത്രത്തിന്റെ ഭാഗമായി, ഉപഭോക്താക്കള്‍ക്കും ഡീലര്‍ പങ്കാളികള്‍ക്കും ബിസിനസ്സിനും ഏറ്റവും കൂടുതല്‍ പ്രയോജനം നല്‍കുന്ന പ്രധാന മോഡലുകളിലും സെഗ്‌മെന്റുകളിലും നിസ്സാന്‍ ശ്രദ്ധ കേന്ദ്രീകരിക്കുന്നു. മറ്റ് പല ആഗോള വാഹന നിര്‍മ്മാതാക്കളെയും പോലെ, നിസ്സാനും പരമ്പരാഗത പെട്രോള്‍, ഡീസല്‍ പവര്‍ട്രെയിന്‍ സാങ്കേതികവിദ്യകളില്‍ നിന്ന് ഇലക്ട്രിക് പവര്‍ട്രെയിനിലേക്കുള്ള പരിവര്‍ത്തനത്തില്‍ ശ്രദ്ധ കേന്ദ്രീകരിക്കുന്നു. ഇതില്‍ ശ്രദ്ധ കേന്ദ്രീകരിച്ച്, ഓട്ടോമൊബൈല്‍ ഗ്രൂപ്പ് അതിന്റെ പ്രവര്‍ത്തനവും ചെലവുകളും കാര്യക്ഷമമാക്കാന്‍ ലക്ഷ്യമിടുന്നു. ഡാറ്റ്‌സണ്‍ നിര്‍ത്തലാക്കാനുള്ള തീരുമാനം ഈ തന്ത്രത്തിന്റെ അടിസ്ഥാനത്തിലാണ്.
പ്രതികരിക്കാൻ ഇവിടെ എഴുതുക: