കൊല്ലം: പതപണ്ഡിതനായ ശേഷം മതം ഉപേക്ഷിച്ച യുവാവിനെ ആക്രമിച്ച് ബന്ധുക്കളും നാട്ടുകാരും. മലപ്പുറം സ്വദേശിയായ അസ്കര് അലി ഹുദവിയാണ് ജനമധ്യത്തില് ആക്രമിക്കപ്പെട്ടത്. എസന്സ് സംഘടന കൊല്ലത്ത് സംഘടിപ്പിച്ച പരിപാടിയില് പങ്കെടുക്കാനെത്തിയപ്പോഴായിരുന്നു മര്ദ്ദനം. മൊബൈല്ഫോണ് തല്ലിത്തകര്ക്കുകയും ബലാല്ക്കാരമായി വാഹനത്തില് കയറ്റാനും ശ്രമിച്ചു. പോലീസ് എത്തിയാണ് യുവാവിനെ അക്രമികളില് നിന്നും മോചിപ്പിച്ചത്.
12 വര്ഷം നീണ്ട മതപഠനത്തിന് ശേഷമാണ് അസ്കര് അലിക്ക് ‘ഹുദവി’ എന്ന മതപണ്ഡിത പദവി ലഭിച്ചത്. എന്നാല് ഇസ്ലാം മതത്തില് നിരവധി തെറ്റുകള് ഉണ്ടെന്നും അതിനാല് താന് മതം ഉപേക്ഷിക്കുകയാണെന്നും അസ്കര് സാമൂഹ്യമാധ്യമങ്ങളിലൂടെ പ്രഖ്യാപിച്ചു. എസന്സ് എന്ന യുക്തിവാദി സംഘടന സംഘടിപ്പിച്ച ‘ലിബറോ 22’ എന്നപരിപാടിയില് പ്രസംഗിക്കാന് വേദി ആവശ്യപ്പെടുകയും ചെയ്തു. അസ്കര് മതത്തിനെതിരെ സംസാരിക്കുന്നു എന്ന് അറിഞ്ഞതോടെ ബന്ധുക്കള് പരിപാടി സ്ഥലത്തെത്തുകയും ആക്രമിക്കുകയുമായിരുന്നു.
ഇദേഹത്തെ കാണാനില്ലായെന്ന് ആരോപിച്ച് വീട്ടുകാര് പോലീസില് പരാതിപ്പെട്ടിരുന്നു.
